ആത്മാവിഷ്കാരങ്ങള്‍

മഞ്ഞുതുള്ളിയിലെ അരുണൻ ഒരുമഞ്ഞുതുള്ളിയിൽ അരുണന്റെ ചെറുമുഖം അരുമയായ് പുഞ്ചിരി തൂകിടുമ്പോൾ, അതിലൂടെയീ ലോക സൗന്ദര്യമാകെയും എൻ മിഴിമുന്നിൽ നർത്തനമാടിടുന്നു. പുലരിക്കതിരൊന്നിൽ പൂവിതൾ നനയുമ്പോൾ, കാറ്റിന്റെ വിരലുകൾ പാട്ടായ് തലോടുന്നു. മഞ്ഞിൻ കണങ്ങളിലെ വർണ്ണങ്ങൾ ചാലിച്ച് പ്രകൃതി തീർക്കുന്ന ചിത്രമായി നീളുന്നു. ഒരു നിമിഷമെങ്കിലും കാലമൊന്നു നിന്നെങ്കിൽ, ഈ കാഴ്ചയിലലിയാൻ മനം കൊതിച്ചുപോകും. രചന: ജീ ആർ കവിയൂർ 12 -09-2026 (തിരുവല്ല, കവിയൂർ)

കാത്തിരിപ്പിൻ മധുരം വരില്ലെന്നറിഞ്ഞിട്ടും കാത്തിരിപ്പുണ്ട്, വരുമെന്നൊരു മോഹം ഉള്ളിലുണ്ട്, കയ്പ്പുള്ള സത്യം മുന്നിലുണ്ടെങ്കിലും, മധുരമുള്ള സ്വപ്നം മനസ്സിലുണ്ട്. കടന്നുപോയ വഴിയിൽ കാറ്റുണരുമ്പോൾ, പഴയൊരു ഗാനം കാതിലണയുമ്പോൾ, അകലെയെങ്ങോൊരു നിഴൽ തെളിയുമ്പോൾ, അറിയാതെ കണ്ണുകൾ തേടിയെത്തും. കാലത്തിന്റെ കൈവിരൽ പാടുകൾ മായുമ്പോൾ, നാളെയുടെ വാതിൽ പതിയെ തുറക്കുമ്പോൾ, മറന്നുവെന്ന് കരുതിയൊരു നിമിഷത്തിൽ, പൂവായി വീണ്ടും വസന്തമെത്തും. ഒരു നാൾ ആ പാതയിൽ നീ വന്നേക്കാം, പറയാതെ പോയതെല്ലാം പറഞ്ഞേക്കാം, നനഞ്ഞ മിഴികളിൽ പുഞ്ചിരി വിരിയുമ്പോൾ, കാത്തിരിപ്പു ഒരു പാട്ടായി മാറും. രചന: ജീ ആർ കവിയൂർ 12 -09-2026 (തിരുവല്ല, കവിയൂർ)

ചൈതന്യത്തിന്റെ വെളിച്ചം മൗനം പോലും മന്ത്രമാകുന്ന നിമിഷങ്ങളുണ്ടീ ജീവിതത്തിൽ, വാക്കുകൾ മാഞ്ഞുപോകുമ്പോഴും വെളിച്ചം മിച്ചമായ് നിൽക്കും. പകയുടെ വഴികൾ വിട്ടകന്ന് കരുണയുടെ പാതയിൽ നീങ്ങി, എല്ലാ ജീവനും ഒന്നെന്ന സത്യത്തിൻ അരികിൽ നിന്നു. കാറ്റിനും പൂവിനും ഉള്ളിൽ ഒരേ ജീവൻ തുടിക്കുന്നുവെങ്കിൽ, മനുഷ്യനിൽ മനുഷ്യനെ കാണാൻ മനസ്സിനു കഴിയണം ആദ്യം. വേദന വന്നാലും പുഞ്ചിരിച്ച് വഴിതെറ്റാതെ മുന്നേറാം, ഒന്നായി പകരുന്ന ചൈതന്യം നമ്മിലാകെ പൂത്തുലയട്ടെ. രചന: ജീ ആർ കവിയൂർ 12 -09-2026 (തിരുവല്ല, കവിയൂർ)

എഴുതാതെ പോയ കവിതകൾ എഴുതാതെ പോയ വരികൾ എന്നിൽ ഇന്നും പാടുന്നു, പറയാതെ പോയൊരു സ്നേഹം നിഴലായ് കൂടെ നടക്കുന്നു... പേര് കുറിക്കുവാൻ ചെന്നപ്പോൾ പേനയൊന്നു വിറച്ചുവോ, നോട്ടമൊന്നു തൊട്ട നേരം വാക്കുകളെല്ലാം മാഞ്ഞുവോ... നീ നടന്നൊരു വഴിത്താരയിൽ നിലാവായ് ഞാൻ നിന്നിരുന്നു, കാറ്റിലൊഴുകിയ നിൻ ഗന്ധം കാതിലൊരു ഗാനം തീർത്തിരുന്നു. ചുണ്ടിലുണർന്നൊരു വാക്കിനെ ചിരിയിലൊളിപ്പിച്ചു ഞാൻ, മിഴികളിൽ വിരിഞ്ഞ കഥയെ മറവിക്കു വിട്ടില്ല ഞാൻ. എന്നെത്തന്നെ തേടിയപ്പോൾ അറിയാത്തൊരു തീരം കണ്ടു, ഉള്ളിന്റെ ആഴമളന്നപ്പോൾ അവിടെയൊരു സ്വപ്നം നിന്നു. കടലാസിൽ പിറന്നില്ലെങ്കിലും കാലം അതിനെ കാത്തുവച്ചു, ജീവിതമെന്ന പുസ്തകത്തിൽ അധ്യായമായ് ചേർത്തുവച്ചു. വർഷങ്ങൾ ദൂരം താണ്ടിയാലും വസന്തം വീണ്ടും വരുമല്ലോ, പറയാതെ സൂക്ഷിച്ച ഭാവം പാട്ടായി മാറുമല്ലോ. ചില വരികൾ മഷിയിലല്ല ജീവിതത്തിൽ കുറിക്കേണ്ടത്, ചില കവിതകൾ ചൊല്ലുവാനല്ല ശ്വാസമായി തീർക്കേണ്ടത്... രചന: ജീ ആർ കവിയൂർ 12 -09-2026 (തിരുവല്ല, കവിയൂർ)

എഴുതാതെ പോയ കവിതകൾ എഴുതാതെ പോയ വരികൾ എന്നിൽ ഇന്നും പാടുന്നു, പറയാതെ പോയൊരു സ്നേഹം നിഴലായ് കൂടെ നടക്കുന്നു... പേര് കുറിക്കുവാൻ ചെന്നപ്പോൾ പേനയൊന്നു വിറച്ചുവോ, നോട്ടമൊന്നു തൊട്ട നേരം വാക്കുകളെല്ലാം മാഞ്ഞുവോ... നീ നടന്നൊരു വഴിത്താരയിൽ നിലാവായ് ഞാൻ നിന്നിരുന്നു, കാറ്റിലൊഴുകിയ നിൻ ഗന്ധം കാതിലൊരു ഗാനം തീർത്തിരുന്നു. ചുണ്ടിലുണർന്നൊരു വാക്കിനെ ചിരിയിലൊളിപ്പിച്ചു ഞാൻ, മിഴികളിൽ വിരിഞ്ഞ കഥയെ മറവിക്കു വിട്ടില്ല ഞാൻ. എന്നെത്തന്നെ തേടിയപ്പോൾ അറിയാത്തൊരു തീരം കണ്ടു, ഉള്ളിന്റെ ആഴമളന്നപ്പോൾ അവിടെയൊരു സ്വപ്നം നിന്നു. കടലാസിൽ പിറന്നില്ലെങ്കിലും കാലം അതിനെ കാത്തുവച്ചു, ജീവിതമെന്ന പുസ്തകത്തിൽ അധ്യായമായ് ചേർത്തുവച്ചു. വർഷങ്ങൾ ദൂരം താണ്ടിയാലും വസന്തം വീണ്ടും വരുമല്ലോ, പറയാതെ സൂക്ഷിച്ച ഭാവം പാട്ടായി മാറുമല്ലോ. ചില വരികൾ മഷിയിലല്ല ജീവിതത്തിൽ കുറിക്കേണ്ടത്, ചില കവിതകൾ ചൊല്ലുവാനല്ല ശ്വാസമായി തീർക്കേണ്ടത്... രചന: ജീ ആർ കവിയൂർ 12 -09-2026 (തിരുവല്ല, കവിയൂർ)

സ്നേഹവെളിച്ചം  ജീവിതവഴിയിൽ വന്നവർ, സ്നേഹമഴയായ് നിന്നവർ, മനസ്സിൻ താളിൽ മായാതെ മധുരഗാനമായ് നിറയട്ടെ… പുലരിത്തെന്നലായ് വന്നവർ, പൂവിൻ സുഗന്ധമായ് നിന്നവർ, കണ്ണിലെ കനവായ് മാറാതെ കാതിൽ കുളിർനാദമായ് ഒഴുകട്ടെ… കാറ്റിലുലയാത്ത ദീപമായ്, കെടാതെ കാത്തൊരു നാളമായ്, ആളിക്കത്താതൊരു സ്നേഹമായ് അകതാരിൽ എന്നും തെളിയട്ടെ… കാലം കടന്നാലും മായാതെ, ദൂരം വന്നാലും അകലാതെ, നന്മയുടെ നീരായ് നിറഞ്ഞവർ മനസ്സിൽ എന്നും പുഞ്ചിരിക്കട്ടെ രചന: ജീ ആർ കവിയൂർ 11 -09-2026 (തിരുവല്ല, കവിയൂർ)

സ്നേഹത്തിന്റെ ഉടമ്പടി പറയുവാനേറെയുള്ള വാക്കുകൾ പറയുവാൻ വീണ്ടും വരും… കാണുവാൻ കൊതിക്കുന്ന കണ്ണുകൾ കാണുവാനായ് വീണ്ടും നിറയും… ദൂരം വഴിമാറി നിന്നാലും മനം അരികിലുണ്ടാവും… കാലം എത്ര കടന്നാലും സ്നേഹം പുതുതായിരിക്കും… കൂടെ നടക്കും വഴികളിൽ തണലായി നീയുണ്ടെങ്കിൽ, കൈകൾ ചേർക്കാതെ തന്നെയും കരുതലായി ഞാൻ കൂടെയുണ്ടാകും… എത്ര കാലമെന്നറിയില്ല, എങ്കിലും വിശ്വാസമുണ്ട്… വേണ്ട നേരം വിളിച്ചാൽ കൂട്ടായി ഞാൻ കൂടെയുണ്ടാകും… രചന: ജീ ആർ കവിയൂർ 11 -09-2026 (തിരുവല്ല, കവിയൂർ)