Friday, October 28, 2016

കാളികാക്കും നഗരത്തില്‍

കാളികാക്കും നഗരത്തില്‍


സന്ധ്യയകന്നു രാവിന്‍
ആകാശത്ത് നിറപകര്‍ച്ചകള്‍
നഗരം വര്‍ണം വാരിപുതക്കുന്ന
നയനമനോഹര കാഴ്ചകള്‍
കണ്ടു നടക്കുമ്പോള്‍ മനമറിയാതെ
കല്‍കണ്ടം കൈയ്യില്‍ കിട്ടിയ കുട്ടിയായ്
ഇല്ലാത്തവനും ഉള്ളവനും മുന്നില്‍ മുടിയഴിച്ച്
നാവുനീട്ടി സംഹാര രുദ്രയായി നില്‍കുന്ന
കലാകാരന്റെ കളിമണ്‍ സൃഷ്ടിയെങ്കിലും
കണ്ണടച്ചു തൊഴുതുപോകുന്നു അറിയാതെ
നിറയുന്നു ഒരു ലഹരി സിരകളില്‍ പടരുന്നു
അനന്തമായ ആനന്ദം പറയാന്‍ കഴിയാത്തോരനുഭൂതി
ദൂപ ദീപങ്ങളിലുടെ നടുവില്‍ തോല്‍വാദ്യങ്ങലുടെ പെരുക്കം
എങ്ങുതിരിഞ്ഞു നോക്കുകിലും മധുരം വിളമ്പുന്ന നോട്ടം
എല്ലാം ഒന്നെന്ന ഭാവം ഒന്നുമറിയാതെ നടന്നു രാവിനൊപ്പം
യയാതി ആവാന്‍ തേടി അലഞ്ഞു പൂരുവിനെ
കണ്ടില്ല കുരുവിനെയും അവസാനം
ജീവിത ധര്‍മ്മയുദ്ധത്തിന്‍ നടുവില്‍ നിന്നു
വിജയനായി വാനപ്രസ്ഥത്തിനായ് ഒരുങ്ങുന്നു......... 


ജീ ആര്‍ കവിയൂര്‍
കൊല്‍ക്കത്ത
28-10-2016

1 comment:

Cv Thankappan said...

നല്ല രചന
ആശംസകള്‍