Monday, October 17, 2016

ജീവിത നിലാവ്

ജീവിത നിലാവ്

വിരിഞ്ഞേന്‍ അങ്ങ് അകലെ ചക്രവാളത്തിലായ്
ഒരു ആകാശ പൂവെന്നില്‍ ഉണര്‍ത്തി
നിന്‍ ഓര്‍മ്മകള്‍ വീണ്ടുമറിയാതെയങ്ങ്
വിരിഞ്ഞു എന്‍ വിരല്‍തുമ്പിലക്ഷര
നിഴല്‍ ചിത്രമായ്‌ മറവിയുടെ ചെപ്പില്‍
കണ്ടു കിട്ടിയൊരു കന്നിയിലെയവസാന
പൗര്‍ണ്ണമി വെളുപ്പാന്‍കാലമുണര്‍ന്നു
രേവതി നാളിലവളുറങ്ങുന്നുണ്ടായിരിക്കാമങ്ങു
ഒരു പ്രസൂനം പോലെ കണ്‍ കാഴച്ചയിത്
മനസ്സില്‍ തെളിയുന്നു ഇന്നലെ എന്നപോല്‍
കടന്നകന്നൊരു ഇരുപത്തിയഞ്ചുവര്‍ഷം
അത് നല്‍കിയൊരു ഋതു വസന്തങ്ങളിനിയും
മടങ്ങി വരികയില്ലെന്നോര്‍ത്തു ഖിന്നന്നായിനില്‍പ്പു
ഞാനുമെന്‍ ജീവിതവുമിങ്ങുയീ കല്‍ക്കണ്ട നഗരിയിലായ്
ആത്മാംശം തുളുമ്പും നോവിന്‍ പടര്‍പ്പില്‍ .............

ജീ ആര്‍ കവിയൂര്‍
16-10-2016
ചിത്രം രാവിലെ എന്റെ മൊബൈലില്‍ എടുത്തതാണ്

1 comment:

Cv Thankappan said...

ഓര്‍മ്മയില്‍ നക്ഷത്രത്തിളക്കം!