നാളെയെന്തെന്നറിയില്ലല്ലോ!

അടർത്തിമാറ്റിയയോർമ്മകളേ!

അവിടുന്ന് തിരികെ വരികയോ?

അണിഞ്ഞൊരുങ്ങി

നിൽക്കുന്നു

ആ വരവോന്നു കാത്തിരിക്കുന്നു.

ഇങ്കിതമൊക്കെ

ഉള്ളിലൊതുക്കി

കളങ്കിതമാവാത്ത മനസ്സുമായി

പതംഗങ്ങളുടെ ചിറകടിയൊച്ചയുയർന്നു 

തരംഗങ്ങൾ, ഉയർന്നുതാണു 

ജീവിതസാഗരസാനുക്കൾക്കടന്നു 

ജനിമൃതികളുടെ നടുവിലെ

നിമിഷങ്ങൾ പങ്കുവയ്ക്കുക ആഹ്ലാദപൂർവ്വം

ഒരു വേള 

നാളെയെന്തെന്നറിയില്ലല്ലോ!

ജീ ആർ കവിയൂർ

24 11 2023