Thursday, December 29, 2016

ജീവിത വഴിയില്‍

ജീവിത വഴിയില്‍


ജനതിജന്മ ക്ലേശം സുഖം
ഉദ്യോജനകമിതു  ജീവിതം
ഇന്നലെ ഒഴിയേണ്ടി വന്നു
കുപ്പായം തേടണമിനി
പുതിയ മേച്ചില്‍ പുറങ്ങള്‍

ചില്ലകളില്‍ നിന്നും ചില്ലകള്‍
തണ്ണീര്‍ തടങ്ങള്‍ എത്രനാള്‍
മരീചികളില്‍ ചെന്ന് ആശ്വാസം
തേടുമുന്‍പേ ഋതുഭേദങ്ങളുടെ
തലോടലുമായി മുന്നേറും
ദേശാടനക്കരനല്ലോ

കൊണ്ട് വന്നില്ല ഒന്നുമേ കൊണ്ട്
പോകുകയില്ലയെന്നറിയുകിലും
പിറന്നു വീണൊരു പിച്ചപത്രത്തിന്റെയും
അതിനു ചുവട്ടിലെ വിശപ്പിനേയും
അത് തീര്‍ത്ത കടമകളെയും പുലര്‍ത്തണം
പഞ്ചഭൂതകുപ്പായം വിടും വരേക്കും

ഉള്ളവനും ഇല്ലാത്തവന്റെയും
ഉയരാത്ത രേഖകളെ  പറ്റി
തുപ്പല്‍ മഴ പെയ്യിചിട്ട് കാര്യമില്ലല്ലോ
എല്ലാം സംഭവാമി യുഗേ യുഗേ എന്ന്
ഓതിയത് എത്ര ശരി എന്ന് എന്റെ മതം..... .



No comments: