Sunday, April 26, 2015

പ്രത്യാശ

പ്രത്യാശ

കാലങ്ങളേറെ കഴിച്ചവര്‍
ക്രിയാശേഷിയാല്‍ വിക്രിയത കാട്ടിയവര്‍
മനം മടുപ്പിന്റെ മരുന്ന് തേടുന്നവര്‍
മഴക്കാടുകളില്‍ മരണപ്പെട്ട
താഴവാരങ്ങള്‍ താണ്ടിയവര്‍
വിഷപ്പുക തുപ്പും ശേഷിപ്പിന്‍
വകക്കായി വക്കാണം നടത്തി
വിശപ്പിന്റെ കോമരം തുള്ളുന്നവര്‍
കണ്ടു ഏറെ കാഴച്ചപ്പാടുകളുടെ
സമാസമങ്ങളെ  അന്വേഷിച്ചു
സമാന്തരങ്ങളിലുടെ സഞ്ചരിച്ചു
വഞ്ചിത കമ്പിതരായി മടങ്ങുന്നു
രാത്രിയുടെ രേതിയറിഞ്ഞു
രമിക്കാതെ മടങ്ങുന്ന ജീവിതവേഷങ്ങള്‍
എങ്ങുനോക്കുകിലും സമയത്തിന്‍
എലുക താണ്ടാന്‍ വിധിയെപഴിക്കുന്ന
എല്ലാം സഹിക്കുന്നവര്‍ ,
കരളുവെന്തു മിഴി തൂവലറ്റു
ലവണരസം പോലും മറന്നവര്‍
ഇവര്‍ക്കിടയിലുടെ നഷ്ടപ്പെട്ട
എന്നെ തേടി ഞാനലയുന്നു
എന്‍ ഭാരതം ലോകത്തോരമെന്നു
മന്ത്രം ജപിക്കുന്നവരെയറിക
ഏറെ മുന്നേറണമിനിയും
പാതകള്‍ പതാകള്‍ മാറി
വീണ്ടും പ്രാത്ഥനയില്‍  മുഴുകാം
നല്ലാ നാളെക്കായി ....
''ലോകാസമസ്താ സുകിനോഭാവന്തു ..''

No comments: