Thursday, April 2, 2015

ഞാനുമെന്റെ കാവ്യ ദേവതയും

ഞാനുമെന്റെ  കാവ്യ ദേവതയും

ആകാശ വിതാനത്തിൽ
അക്ഷര ചിന്തുക്കൾ തീർക്കുന്നു
അക്ഷമരാം പറവകൂട്ടങ്ങൾ

കുമിളകൾ പോൽ  പൊട്ടിവിടരുന്നു
അക്ഷര സാഗര തീരത്ത്‌
ഒന്നുമറിയാതെ ഞാനും

എൻ ഉള്ളിലെ കാവ്യ പ്രപഞ്ചമേ
ദള മർമ്മരമറിയതെ
വിരിഞ്ഞൊരു അക്ഷര പുഷ്പമല്ലോ   നീ

മധു ചഷകങ്ങളിൽ നിന്നുമല്ല
നിൻ കണ്ണുകളിൽ നിന്നുമല്ലോ
തുളുമ്പി പടർന്നേൻ തുലികയിൽ

നിൻ ശ്വാസ  നിശ്വാസങ്ങൾ
എവിടേക്കോ കൊണ്ട് പോകുന്നു
ലഹരിയെന്നാണമായി അവസ്ഥ

കരയണോ ചിരിക്കണോ
എന്നറിയാത്തൊരു ശാന്തത
മൗനം പേറാൻ ആവില്ല ഒട്ടും

വസന്തത്തിന്റെ രോമാഞ്ചം
സുഗന്ധപൂരിതമായി വാക്കുകളിൽ
ലഘവമാനസനായി സ്വപ്നാടനത്തിൽ

No comments: