Thursday, January 16, 2014

പിറുപിറുപ്പുകള്‍

പിറുപിറുപ്പുകള്‍

തിരുമ്മിയകറ്റുക
അക്കങ്ങളൊക്കെ
കാണതെയിരിക്കട്ടെ
വിഴുപ്പലക്കി മുഷിഞ്ഞ
ഗ്രിഷ്മം പടിയിറങ്ങിയ
മുഖപടത്തെ സ്വയം

വീർപ്പുമുട്ടും ഹൃത്തടത്തിൻ
തിങ്ങി വിങ്ങും ചിന്തയിലമരും
കഴിഞ്ഞു കൊഴിഞ്ഞുപോയ
കൌമാര്യ സങ്കട ഗർത്തങ്ങളിൽ
തുള്ളി തുളുമ്പി വകഞ്ഞു ചതച്ചരച്ച
നിമ്നോന്നത മുഴുപ്പുകളെ

കാലം തീര്‍ത്ത നനഞ്ഞു കുതിര്‍ന്ന
പതഞ്ഞു നുരയും തിരയടിക്കും
കടലിരമ്പും തീരത്തണയാ
ചക്രവാള നിറപ്പകര്‍പ്പുകള്‍
നക്ഷത്രങ്ങള്‍ തുളയിട്ട
ആകാശ കണ്ണുകളില്‍
കിനാവള്ളികള്‍ പൂത്തുലഞ്ഞു
നിറ വേറാത്ത മോഹങ്ങള്‍

1 comment:

സൗഗന്ധികം said...

നല്ല കവിത

ശുഭാശംസകൾ....