അമര്‍ ജവാന്‍ ജ്യോതി
അമര്‍ ജവാന്‍ ജ്യോതി
ജനപഥത്തിലൂടെ ചൂളം കുത്തി
കര്‍ണ്ണപുടങ്ങളില്‍ നോവുതിര്‍ത്ത് പോകും
കോടക്കാറ്റോടു മല്ലിട്ട്
കീശയില്‍ കൈകളാഴ്ത്തി
പരസ്പരം നീരാവി പറപ്പിച്ചു
കമനീയമാം ഇന്ത്യന്‍ കവാടത്തില്‍
അണയാത്തിരിയായി നില്‍ക്കും
ജ്യോതിയെ നോക്കി നിന്നൂ .
ഏതോ നാട്ടില്‍ നിന്നും
പ്രതീക്ഷ സ്വപ്നം കണ്ടവര്‍ തന്‍
പേരൊന്നു വായിച്ചെടുക്കവേ
സാമ്യമാകുന്നൊന്നെന്‍ പേരോട്
യുദ്ധമേ ചെയ്യാതെ പിരിയുമിവനുമാ -
യെന്തു ചേര്‍ച്ചയെന്നറിയാതെയോര്‍ത്തു പോയീ
എന്തു ഞാന്‍ ചൊല്ലേണ്ടൂ
ജീവിത യുദ്ധത്തില്‍ തോറ്റു പോയോന്‍
ഉച്ചമാകുന്നോരാ വിസില്‍ ശബ്ദവു-
മുച്ചത്തിലാ കാവലാളിന്‍ ശകാരവും
"ക്യാ കര്‍ രഹെ ഹോ ആപ് !
ഉധര്‍ സേ ജായിയെ "
ജാള്യത മറച്ചനന്തതയില്‍ മിഴി നട്ടു
ഞാനലക്ഷ്യം നടന്നെവിടേയെക്കോ ?
Comments
പോകുന്നയിവനുമായി എന്തു
ചേര്‍ച്ചയെന്നറിയാതെയോര്‍ത്തുപോയി,
ജീവിത യുദ്ധത്തില്‍ തോറ്റു പിന്മാറും
ഈ ഞാന്‍ ഇനിയെന്താ പറയുക...
നല്ല വരികള്‍ ആശംസകള്‍