ആത്മാവിഷ്കാരങ്ങള്‍

നിൻ ചുംബന കുളിർ എന്റെ മനസ്സിന്റെ ചെപ്പിൽ ഒളിപ്പിച്ചു.നിൻ ഹൃദയ മിടിപ്പുകൾ ഞാനറിയുന്നു ഒരു അഷ്ടപതി ഗാനം  പോൽ. ധാന്യനായി തീർന്നു  ലഹാരാനുഭൂതിയിൽ ഏതോ  മാന്ത്രിക ശക്തിയിലാ  കമ്പനങ്ങൾക്കു കാതോർത്ത് നിന്നു കോകില നാദ ധാരക്കായ് തെക്കൻ കുളിർ കാറ്റ് വീശിയ നേരത്തു നിൻ അളകങ്ങളിൽ പൂത്തുലഞ്ഞ മുല്ലപ്പൂ മണമെന്നെ ഞാനല്ലാതെയാക്കി നിൻ അപഭൗമ സാനിധ്യമെന്നിലെ ഉള്ളറകളിൽ ഉരുണ്ടു കൂടിയ മുകിലുകൾ പെയ്യ്തിറങ്ങി ഒരു കവിതയായ് വളർന്നു പന്തലിച്ചു പൂത്തു കായ്ച്ചു...... ജീ ആർ കവിയൂർ 30 .04 ,2020

ഞാനൊരു കവിയല്ലെങ്കിലും നിന്നെ കണ്ടതുമുതൽ എന്തെ ഞാനെന്തോ എഴുതുവാൻ തുടങ്ങി നിനക്കത്തിക്കിനെ കാവ്യമെന്നൊന്നും ഞാൻ പറയാൻ പറയില്ല ഉള്ളിൽ നിന്നും ഒരു പ്രണയം മൊട്ടിട്ടു നിന്നെ കണ്ടത് മുതൽ അല്ലയോ മോഹനാഗ്ഗി മണി ബാലെ ഞാൻ പഠിച്ചുവല്ലോ എങ്ങിനെ പ്രണയിക്കണമെന്നു ഞാനൊരു കവിയല്ലെങ്കിലും ..!! കേട്ടിട്ടുണ്ട് പ്രണയമെന്നു പലപ്പോഴും എന്താണീ പ്രണയമെന്നത് എനിക്ക് അറിയില്ല അതെന്തെന്നു ചോദ്യങ്ങൾ ചോദിച്ചു ഞാൻ കുഴഞ്ഞു കൂട്ടുകാരോടൊപ്പം കഴിഞ്ഞു ശത്രുവിനെ പോലെ ഞാനൊരു ശത്രുവല്ല ഒരിക്കലുമല്ല അല്ലയോ പെണ്മണി പൊൻമണി നിന്നെ കണ്ട മാത്രയിൽ ഞാനറിഞ്ഞു സൗഹൃദം എന്നും സുഹൃത്തെന്നും ഞാനൊരു കവിയല്ലെങ്കിലും ..!! നിന്നെ പ്രണയിക്കാൻ തുടങ്ങിയതോടെ അല്ലയോ ഈശ്വരന്മാരെ ഈശ്വരിമാരെ ഞാൻ പ്രാത്ഥിക്കാൻ തുടങ്ങുന്നുവല്ലോ ഞാൻ നിന്നെ ആരാധിക്കാൻ തുടങ്ങിയല്ലോ ഞാനൊരു കവിയല്ലെങ്കിലും നിന്നെ കണ്ടതുമുതൽ എന്തെ ഞാനെന്തോ എഴുതുവാൻ തുടങ്ങി നിനക്കത്തിക്കിനെ കാവ്യമെന്നൊന്നും ഞാൻ പറയാൻ പറയില്ല ഉള്ളിൽ നിന്നും..!! ജീ ആർ കവിയൂർ 30  .04 .2020 Main aashiq to  nahi lyrics  are written by Anand Bakshi.in  hin...

കുങ്കുമം വാരി വിതറിയ കിഴക്കിനിയിൽ കളകളം പാടി ചിറക് വിരിയിച്ചു കിളികൾ മനസ്സിന് ചിദാകാശത്തിലുണർന്നു മന്ദഹാസം പൊഴിച്ചു നിന്നവൾ പുറത്തു മഴ സംഗീതം തീർത്തു മണ്ഡുപങ്ങൾ ഏറ്റു പാടിയനേരം ശ്രുതി മീട്ടി ചീവീടുകൾ മെല്ലെ മലകളിൽ  അത് മാറ്റൊലികൊണ്ടു കനകച്ചിലങ്ക കിലുക്കിയും മധുരം വിളമ്പി അവനിയാകെ നിറഞ്ഞു ആശ്വാസം  പകർന്നു കവിതയവൾ ഒഴുകി വിരൽത്തുമ്പിൽ ..!! ജീ ആർ കവിയൂർ 29 .04 .2020 

നിന്നെ അറിയാതെ ********************* എന്നെ എന്നിൽ കഴിയാൻ അനുവദിക്കുക പറഞ്ഞാൽ എങ്ങിനെ പറയും ഈ ലോകം എത്ര വിചിത്രമാണ് ഞാൻ സന്തുഷ്ടനാണ് ഞാൻ എന്നിൽ നിറയട്ടെ കണ്ണുനീരിനെ അടക്കി പുഞ്ചിരി പൊഴിക്കുന്നു ഞാൻ എത്രയോ രാവുകളെ നിദ്രാ വിഹീനമാക്കി അവളുടെ ഓർമ്മകളിലായി ഞാൻ എന്നിൽ തന്നെ ഒളിച്ചു എന്റെ ജീവിതമൊരു മുറിവാണ് എത്ര കരിഞ്ഞാലും വീണ്ടും മുറിയുന്നു ഞാനീ കദനങ്ങളേ ഉള്ളിൽ ഒതുക്കി ഈ ലോകത്തെ അറിയിക്കാതെ അതെ ജീവിക്കാൻ വേണ്ടി ഒളിപ്പിച്ചു ഈ ലോകത്തെ മനസ്സിലാക്കാനാവാതെ അത് അത്ര എളുപ്പമല്ല എനിക്ക് നിന്നെ മനസ്സിലാവാനാകാതെ ..!! ജീ ആർ കവിയൂർ 28 .04 .2020 

മലകളും താഴ് വാരങ്ങളും  താണ്ടിയങ്ങ് മന്ദ പവനൻ വരുന്നു മൂളിപ്പാട്ടുമായ് മെല്ല കാതിൽ പറഞ്ഞു കിന്നാരം മണ്ണിൻ മണം പേറും ചെത്തു വഴിയരികിലെ മലർവാക പൂത്തൊരു നേരത്ത് അങ്ങിനെ മനസ്സിൽ മോഹവുമായ് കാത്തു നിന്നു മഞ്ഞ പാവാടയും ദാവണിയും ചുറ്റിയങ് മത്തു പിടിപ്പിക്കും മണവുമായ് മാൻ മിഴിയാളവൾ  ശലഭചിറകിലേറി മന്ദം അരയന്ന നടയുമായ് വരുമല്ലോ മറഞ്ഞു പോയിന്നങ്ങു മുകളിൽ പറഞ്ഞൊരു മന്ദഹാസങ്ങൾ കാണ്മാനില്ല ഒട്ടുമേ കഷ്ടം മാറുമറയ്ക്കാതെ  അംഗ പ്രത്യയംഗം കാണുമാറ് മുന്നിലൂടെ ഇരു ചക്രവാഹനത്തിലേറി പറന്നകലുന്ന മനം പുരട്ടുന്ന കാഴ്ചകളല്ലോ ഏറെ സുലഭം മാറണം നമ്മുടെ പഴമയല്ലോ എത്ര സുന്ദരം മലയാളമറിയാത്തയെത്രയോ ഭാഗ്യമിവർ മനസ്സാ ശപിക്കുന്നുണ്ടാവുമെന്നെയി പഴപുരാണം മാത്രം പറയുന്നതിനെ കണ്ടിട്ട് ..!! ജീ ആർ കവിയൂർ 25 -04 - 2020 

ഓർമ്മകൾ മേയുന്നതിന്റെ അങ്ങേത്തലക്കൽ ഓടിയടുക്കുന്ന ബാല്യ കൗമാര്യവുമെന്നിലങ്ങു ഓമൽ കനവുപോലെ തൊട്ടുണർത്തുന്ന പോലെ ഒഴിവുകാലങ്ങളിലെ  കൊടിയേറിയിറങ്ങുമാ ഉത്സവങ്ങൾ ചെണ്ട ചേങ്ങില ഇലത്താളങ്ങളും കൊമ്പും കുഴലും നെഞ്ചിൽ കൊള്ളിക്കും പഞ്ചാരി മേളത്തിന് കൊഴുപ്പും നെറ്റി പട്ടം കെട്ടിയ ഗജവീരന്മാരും കുടമാറ്റവും ഉത്സാഹവും നെരിയാണി മുതൽ നെറുകവരെ ഇളകിയാടുന്ന കോലങ്ങൾ കണ്ണുപൊത്തി ഞൊണ്ടി കളിച്ചു ഊയലാടും നേരങ്ങളിൽ കരിവള ചാന്തും കുറികളും ഓലപ്പീപ്പിയും തുണി പന്തും കവണയിൽ തെറ്റിയ കല്ലിൽ  കപ്പമാങ്ങാ വീതം വെക്കലും കളിച്ചാൽ മതിവരാത്ത കൊച്ചു പിണക്കയിണക്കങ്ങൾ ഇന്ന് ഉണർന്നപ്പോൾ കണ്ടില്ല ചുറ്റിലുമൊന്നും ഇരുകൈയിലും അമർത്തി പിടിച്ചു മനസ്സു ഇഹ ലോകം  മറക്കുന്ന മൊബൈൽ കൂനി കൂടുന്ന ഇച്ഛാ ശക്തി കൈവിട്ടപ്പോലുള്ള ബാല്യ കൗമാര്യങ്ങൾ ഇങ്ങിനെ ഒക്കെ ആണെങ്കിലും ഇന്നിന്റെ ഇണങ്ങാത്ത സ്വാർത്ഥ മുഖങ്ങളിൽ നിന്നും ഇനിയെന്തൊക്കെ കാണണമെന്നറിയാതെ ഇരുന്നു ഒരുവേള ചിന്തിച്ചു ഉറങ്ങി പോയി ...!! ജീ ആർ കവിയൂർ 24 -04 -2020 

താതനായ് അമ്മ ചൂണ്ടി കാട്ടിതന്നിതാ അരികിലുള്ള പാതവക്കത്തെ പെരിയ കൊമ്പുകളുള്ളൊരു തണലേകും നന്മമരമായി തലയുയർത്തി നിൽക്കുമെൻ  താതനെ എത്രപുകഴ്ത്തിയാലും മതിവരില്ലൊരിക്കലും മറക്കാനാവുമോ പിച്ച വച്ച് നടക്കുന്നേരം കൈവിരൽ തുമ്പ് പിടിച്ചു വീഴാതെ നടന്നതും മെല്ലെ എല്ലാം പുറം ലോക കാഴ്ചകൾ കാട്ടിയതും പിന്നെ ജീവിതമെന്ന പുസ്തകത്തിലെ വരികൾ പലവട്ടം കണ്ണുരുട്ടി അരുതായിമ്മകളെ പിടിവിട്ടു പോകാതെ നയിക്കുന്നിപ്പോഴും പറഞ്ഞു തന്നു മുന്നേറിയപ്പോൾ എനിക്ക് പൊറുക്കാനാവുമോ പറഞ്ഞാലും തീരില്ല പകരം ചോദിക്കാതെ   എല്ലാമങ്ങു   സഹിക്കും ഇച്ഛിക്കുന്നതെല്ലാം നൽകും അച്ഛനാണ് മകനു  നൽകിയൊരുപദേശങ്ങളൊക്കെ അറിയുമ്പോഴേക്കും കൈയ്യെത്താ ദൂരത്തെക്കു എത്തി ചേരുമല്ലോ ..!! ജീ ആർ കവിയൂർ 24 -04 -2020 

വരും അറുതി എങ്ങും ഭയം നിറഞ്ഞു നിന്നു ജീവൽ ഭിക്ഷക്കായി സാധുക്കൾ  കൈകൂപ്പി തൊഴുത് കേണു ഇല്ല അൽപ്പവും ദയയില്ലാ കൂട്ടങ്ങൾ തല്ലിയും തള്ളിയും കൊന്നിതു പണത്തിന് മുകളിൽ അടയിരിപ്പവർ  വാങ്ങി അച്ചാരം മുച്ചൂടെ തിന്നിട്ട് ഒന്നുമറിയാതെ തുടർന്നു മാധ്യമങ്ങൾ എവിടെ ബുദ്ധിയേറെ ഉള്ളവർ സമ്മാനങ്ങൾ തിരികെ നൽകിയവർ മെഴുക് തിരിയുമായി മുതലകണ്ണുനീർ ഒഴുക്കിയവർ ഇനിയില്ല ഏറെ നാളിങ്ങനെ നീളില്ല ച്യുതി സംഭവിക്കുമ്പോൾ വന്നീടും അവതാരങ്ങൾ ജനബാഹുല്യമായി പകരം ചോദിക്കും വേണ്ട സംശയം വരുമൊരുനാൾ ഒരു വലിയ ജന മുന്നേറ്റം കാറ്റാഞ്ഞു വീശി കടലല ഞെട്ടി വിറപ്പിച്ചു ഡമരുകമുണർന്നു  ഓങ്കാര നാദം മുഴക്കി  ആസേതു ഹിമാചലം പേടിച്ചരണ്ട് പക്ഷി മൃഗാദികൾ കരഞ്ഞോടുമ്പോൾ  കാട്ടാള കൂട്ടങ്ങൾ കാളികൂളികൾ ആർത്തനാദം മുഴക്കി ചിതറിയോടിടും  ദിനങ്ങളെണ്ണി കാത്തിരിക്കാം .... ധർമ്മം ജയിക്കും നിശ്ചയം .... ജീ ആർ കവിയൂർ 22 -04 -2020

കർമ്മകാണ്ഡത്തിന് നടുവിൽ കണ്ണുനീർ വീണു പടർന്നോരെൻ അക്ഷരങ്ങൾ കഴിഞ്ഞകാലത്തിന്  പാടിതീരാത്തൊരു കദനത്തിൽ മുങ്ങിയൊരു കഥപറഞ്ഞു കാലത്തിന് കൽപ്പടവുകൾ ചവിട്ടുമ്പോൾ കൈപിടിച്ചു വലം വച്ചൊരു പാതി ജീവൻ കമനീയമാം പ്രണയത്തിന് കാല്പനികത കലയുടെ കടക്കൽ കത്തിവെച്ചു കൊണ്ടിരുന്നു കഴിവിന്റെ അങ്ങേ തലക്കലായി അനുഭവിച്ചു കഷ്ടപ്പാടുകൾ നിറഞ്ഞ കള്ളിമുൾ നിറഞ്ഞ കൂർത്ത കല്ലുകളാലൊഴുകി കാൽമുറിഞ്ഞു കട്ട ചോര പടർന്നു ജീവിതമാകെ നരകതുല്യം കണ്ടും കൊണ്ടും മടുത്തൊരു വാക്കുകൾ കോറിയിട്ട കടലാസുപോലുമിന്നു നനഞ്ഞു കാര്യങ്ങൾ പറയുകിലേറെയുണ്ട് ഇനിയും കെട്ടഴിക്കാത്തൊരു കുത്തഴിഞ്ഞ ജീവിത കണക്കു പുസ്തകത്താളുകൾ വിങ്ങിടുന്നു കൊഴിഞ്ഞു പോകുവോളമേന്നെ കാത്തുകൊൾക കർമ്മഫലത്തിന്റെ കാരസ്‌ക്കരത്തിൻ  കയ്പു കുടിച്ചു കുതറിയോടി വീഴുമ്പോലായി  എന്നെ കവിതേ നീ നിത്യം വന്നു കൈത്താങ്ങേകുക ..!! ജീ ആർ കവിയൂർ 21 .04 .2020

നിലാവ് അധര പാനം ചെയ്യുന്നു രാത്രിയെ ശലഭങ്ങൾ രാപൂവുൻ  കവിളിൽ മുത്തമിട്ടു നാണത്താൽ മെല്ലെ പുഞ്ചിരിച്ചു അല്ലിയാമ്പൽ രാക്കുയിൽ പാട്ട്‌ മാറ്റൊലികൊണ്ടു രാവിലാകെ കുളിർ കാറ്റ് കാതിൽ മെല്ലെ പറഞ്ഞു കിന്നാരം ചുംബന കംബനത്തിനായി കാത്തു കിടന്നു ചൂട് പിടിച്ച കരക്ക്‌ ലഹരിയാർന്ന  ആനന്ദാനുഭൂതി  കടൽ പതഞ്ഞു കിതച്ചു കയറി തീരത്തിലേക്കു അകലെ ചക്രവാളത്തിനു നിറഭേദം അലകടലിനു ഒരൽപ്പം ശാന്തത കണ്ടു കടലാസുതേടി തൂലിക തേടി പ്രഭാകിരണം കണ്ണ് തിരുമ്മിയുണർന്ന കവിക്ക് സ്വപ്ന ദർശനം ..!! ജീ ആർ കവിയൂർ 20 .04 .2020 

എഴുതാത്ത വെളുത്ത കടലാസായിരുന്നു എന്റെ മനം എഴുതിഞാൻ ഭംഗിയായി ആരുമറിയാതെ നിന്റെ പേര് ഒഴിഞ്ഞു കിടന്നിരുന്നു എൻ ഹൃദയ വനികയിൽ ഒടുവിൽ ഞാൻ പാർപ്പിച്ചു നിന്നെ മാത്രമായ് അതിൽ ഭയക്കുന്നു ഈ സ്വപനങ്ങൾ ഉടഞ്ഞു തകരുമോയെന്നു ഭാരമിച്ചു നിത്യം നിന്നെ കിനാവുകളിൽ കാണാനായി നിന്റെ മിഴിമുനകളെന്നിൽ നിറച്ചു കവിതകളായിരം നിനക്ക് കേൾക്കാൻ മാത്രമായ് പാടം ഞാൻ മധുരമായ് എൻ മനം ഒഴിഞ്ഞ ദർപ്പണമായി നിൻ ശ്ചായ മാത്രം എനിക്ക് കാണായി എത്ര ദീപ്തം മനോഹരം മനോന്മയം നഷ്ടമായി നിത്യമെൻ  ഒഴിയാത്ത   ശാന്തിയും  നിദ്രയും നിറഞ്ഞു നിന്നു  എന്റെ പ്രാത്ഥനകൾ രാവിതിലെന്നും ആവോളം പരതി നെഞ്ചാഴങ്ങളിൽ നിനക്കായി മൊഴി മുത്തുകൾ അല്ലാതെ എന്ത് പറയാനാകും നിന്നോട് ഞാനെൻ പ്രണയമേ വനികയിൽ പൂവിരിഞ്ഞു മണം പരക്കും  മുൻപായി നമ്മളിരുവരുടെയും കണ്ണുകൾ ഇടേയുന്നതിനും മുൻപായി എവിടെയായിരുന്നു ഈ വരികൾ ഈ കണ്ടുമുട്ടലുകൾ എവിടെ ആയിരുന്നു ഈ രാവും നിലാവും പ്രണയവും മാനത്തു നിന്നും പൊഴിയും താരകമായ് എൻ മനം അതുനിന്റെ ഉള്ളിൽ നിറയും ചന്ദ്രിക ആയി മാറിയല്ലോ ഒഴിഞ്ഞു കിടന്നിരുന്നു എൻ ഹൃദയ വനികയിൽ ഒടുവിൽ ഞാൻ പാർപ്പിച്ചു നിന...

MY WORLD AFTER COVID -19 I LOST ALL DESIRES OF FASHION WEARING OF RICH DRESS AND WAR DOB FULL OF PLENTIFUL SPENDING FOR YELLOW GOLD THE DAYS LEFT MADE ME TO REALIZE THE PRIORITY OF HAVE NOT"S ETERNAL DIVINITY OF MAN TO MAN KINDNESS FOR GIVING  OF STOMACH FULL ALWAYS RAN BEHIND FOR TOMORROW IT WAS ONLY SORROWS LEFT BEHIND RELATIONS FORGOTTEN AS A FATHER HUSBAND SON AS ON....... ONLY AFFINITY LEFT OUT IS THE CO EXISTENCE OF  MY FAMILY AND THE REMAINING OF NON POLLUTED WORLD WE HAVE CREATED DUE TO DISASTER THANK TO THE GENERATOR,ORIGINATOR ,DESTROYER THE OMNIPOTENT EVERLASTING ALMIGHTY THE GOD MAY ALL WORLD HAVE PEACE , PROSPERITY  AND ME NEEDED ONLY MY LIFE BACK ALONG WITH MY NATION   grkaviyoor 16.04.2020

മൗനമാർന്ന പൂരം വെമ്പിനില്‍ക്കുന്നു വിരിയാന്‍ പ്രകൃതി അരുണന്റെ  വരവും കാത്തു ചക്രവാളത്തിന്‍ കവിള്‍തുടുത്തു കിളികുലജാലങ്ങളുണര്‍ന്നു ..!! കിളി മൊഴിയില്‍ കവിത തേടി പാലക്കാടന്‍ കാറ്റ് ..!! ഇരുളകന്നു കിളി പാടി സുപ്രഭാതം ..!! അരുണകിരണങ്ങള്‍ തൊട്ടുണര്‍ത്തി . കിനാക്കള്‍ യാത്രയായി ..!! രാവകന്നു പകല്‍ വരവായി . പ്രകൃതി നിദ്രവിട്ടു ..!! പൊന്‍ പ്രഭാപൂരം തെളിഞ്ഞു മാനത്തു . കൌസല്യാ സുപ്രഭാതം..!! കുന്നിന്‍ മുകളില്‍ കറുപ്പകന്നു . കണ്ഠങ്ങളില്‍ പ്രഭാത സംഗീതം .. ആദിയും വ്യാധിയും മുഖം മറക്കുന്നു ലോകം മൗനം പൂണ്ടു ആൾക്കൂട്ടമില്ല ആനയില്ല ചെണ്ടകൾ പെരുകിയില്ല ആരവം ഒഴിഞ്ഞ പൂരപറമ്പ് . ജീ ആർ കവിയൂർ 15 .04 .2020

പാടുക പാടുക മുരളികേ പാടുക രാധാകൃഷ്ണ ലീലലകൾ പാടുക ഹൃദയകല്ലോലിനിയിൽ ഒഴുകട്ടെ നാദധാര ഹേമന്ത രാവിലായി ശീതള ഗാനമായ് സിരകളിൽ പടരട്ടെ ശാന്തമായ് നിറയട്ടെ സർഗ്ഗധാരയായ് ഉണരട്ടെ രാഗമാലിക പാടുക പാടുക മുരളികേ പാടുക രാധാകൃഷ്ണ ലീലലകൾ പാടുക ..... നിലാവിൻ തണലേറ്റു വിരിയട്ടെ മുല്ലവള്ളിയിൽ മണം പകരട്ടെ നോപുര ധ്വനികളിൽ ലഹരി അംഗ പ്രത്യയംഗങ്ങളിൽ അനുഭൂതി പാടുക പാടുക മുരളികേ പാടുക രാധാകൃഷ്ണ ലീലലകൾ പാടുക .. രാവിന്റെ അന്ത്യ യാമങ്ങളിൽ തളർന്നു മയങ്ങട്ടെ രാധയും കൃഷ്ണനും യദുകുലം മെല്ലെ ഉണരട്ടെ പുലർകാലത്തു ചുരത്തട്ടെ പൈപ്പാൽ വേണുഗാനത്താൽ പാടുക പാടുക മുരളികേ പാടുക രാധാകൃഷ്ണ ലീലലകൾ പാടുക മാനസസുന്ദര മധുരം കിനിയട്ടെ മന്ദാഗിനി ഒഴുകട്ടെ വീണ്ടും വീണ്ടും സ്വരാഗാ വിപഞ്ചിക മീട്ടട്ടെ കർണ്ണാമൃതം സാനന്ദം ആനന്ദത്തിലാടട്ടെ ഗോകുലം ... പാടുക പാടുക മുരളികേ പാടുക രാധാകൃഷ്ണ ലീലലകൾ പാടുക ... ജീ ആർ കവിയൂർ 15 .04 .2020 PHOTO CREDIT TO ASHU TYAGI

വിഷം നിറഞ്ഞ വിഷുകാലം കുമരനും കോരനും കുചേലനും കുബേരനും കഷ്ടത്തിലാണിന്നു ഭീതിയുടെ നിഴലിലതാ കടകമ്പോളങ്ങലടഞ്ഞു കിടന്നു മൗനം പൂണ്ടു കറുത്തു നീണ്ടു അനങ്ങാതെ കിടന്നു നിരത്തുകൾ കൊണ്ടുവന്നു ദീനരോദനങ്ങൾ കടൽകടന്നിവിടെയും ക്രൂശിതനായവനും വൈഷ്ണവനും ശൈവനും  മുഹമ്മദീയനും കണ്ണുനീർ വാർക്കാൻ ചുറ്റും കൂടാനും ഇല്ലയെന്തിനു കൊണ്ടുപോകുവാൻ ഇല്ല നാലു തോളുകളിലേറ്റി  കുമിഞ്ഞു കൂടുന്നേറെ ചലനമറ്റ ശിവമകന്ന ഗേഹങ്ങൾ കണ്ണടച്ചു കൈകൂപ്പി നിന്ന് മനസ്സിൽ കണ്ടിന്നിന്റെ ദുഃഖം കനിഞ്ഞു എല്ലാം നൽകുമീ പ്രകൃതിയെ നോവിച്ച ഇരുകാലി കണിക്കൊന്നകളിതൊന്നുമറിയാതെ ചിരി പൂത്തു നിൽക്കുമ്പോൾ കാളിമയകന്ന വാനത്തിൻ ചുവട്ടിൽ പാടി കോകിലവും വിഷുപ്പക്ഷിയും കർഷകന്റെ വിത്തും കൈക്കോട്ടും വിതുമ്പി ആരുമറിയാതെ കരകവിഞ്ഞു കവനമെൻ വിരൽത്തുമ്പുകൾക്കു നോവുകൾ കഴിഞ്ഞ ദിനങ്ങളുടെ ആഹന്തകൾക്കില്ലേ അൽപ്പവും കുറവ് കരയകറുമിനി കണ്ണുനീർ തുടച്ചു കൊള്ളുക വരുമിനിയും നല്ലനാളുകൾ .....!! ജീ ആർ കവിയൂർ 13  .04  .2020  

അരികിലായി വന്നു  നീ അനുനയത്തിൽ  തന്നു നീ അലിവേലും സ്നേഹ സ്വാന്തനം അതിലലിഞ്ഞു ചേർന്നു ഞാൻ അറിഞ്ഞു ആനന്ദം പരമാനന്ദം .... വിനയകറ്റി വാസരം യോഗ്യമാകുവാൻ വിശ്വ ശാന്തി വന്നിടുവാൻ വരിക വരിക സഹജരെ വന്നു വിശ്വനാഥനോട് കൈകൂപ്പിവണങ്ങുന്നേൻ വിജയിക്കും നാം നിശ്ചയം ..!!   ജീ ആർ കവിയൂർ 12 .04  .2020  

മലകളിൽ മുത്തമിട്ടു കാറ്റിനൊപ്പം മെല്ലെ മാനം വിട്ട മേഘങ്ങൾ കണ്ണുനീർ പൊഴിച്ചു വേഴാമ്പലിൻ ശോകമകന്നു ചിറകടിച്ചു മഴതോർന്ന ചില്ലകളിൽ കുയിൽ പാടി തിമിർത്തു കടലാസുവഞ്ചികൾ ഒഴുക്കിയ മുറ്റത്തു  ഓർമ്മകളിലെ ബാല്യം ഉണർന്നു ചിരിച്ചു അനിലൻ പൊഴിച്ച മാമ്പഴം തിന്നു രസിയച്ചു അതുകണ്ടു അവൾ പല്ലില്ലാ മോണകാട്ടി . അമ്പലം വലംവച്ച് തൊഴുത കൗമാര്യം വളകിലുക്കി പൊട്ടിച്ചിരിച്ചു കൊലുസും പഴുതാര മീശകാരന്റെ ചിരിയിൽ മയങ്ങി    ഇടം കണ്ണിട്ടു നോക്കിയാ ഇടനെഞ്ചു മിടിച്ചു കാലം കൈപിടിച്ചു വലംവച്ചു നടന്നകന്നു ഇന്നും ഓർമ്മകൾ വേട്ടയാടി ഓർത്ത് പല്ലില്ലാ മോണകാട്ടി ചിരിച്ചു ഉന്നുവടി ബലത്താൽ എണ്ണിക്കഴിഞ്ഞു പഞ്ചഭൂതങ്ങളുടെ പിടിവിട്ടകലാൻ   ...... ജീ ആർ കവിയൂർ 11 .04  .2020      

കണ്ണുനീരുകൊണ്ടൊരു  ദുഃഖ  കടൽതീർത്തൊരെൻ  മനസ്സിനെ  കണ്ണാ  നീ  വന്നു  സന്തോഷ  വസന്തം  തീർത്തില്ലേ  കണ്ണടച്ചിരിക്കുമ്പോൾ  എന്റെ  മുന്നിൽ  വന്നു  മുരളികയൂതിയില്ലേ  കേട്ടു  കൊതിതീരുമുൻപേ   എങ്ങുനീ   പോയി  മറഞ്ഞു  മോഹനാ .....!! കുറുരമ്മയുടെ അടുത്തു പോയോ നീ കുറുമ്പുകാട്ടുവാൻ കുഞ്ഞു വായിൽ ഈരേഴു പതിനാലു ലോകമാകെയങ്ങു കാട്ടികൊടുക്കുവാനായ് 'അമ്മ യെശോദയുടെ അരികിലാണോ കെട്ടിയിട്ട ഉരലും വലിച്ചങ്ങു നീ എങ്ങുപോകുന്നു കണ്ണാ ......!! കണ്ണുകളും കാതുകളും നിറയുന്നു നിൻ ഭാഗവത കഥകളിലായ് കേട്ടിട്ടും കേട്ടിട്ടും കൊതി തീരുന്നില്ല നിൻ ബാല ലീലകൾ കണ്ടറിഞ്ഞു നീ കനവിലും നിനവിലും ഒരുപോലെ വന്നു കരുണ ചൊരിയാൻ കൃപയുണ്ടാവണേ കരുണാകരാ കണ്ണാ .......!! ജീ ആർ കവിയൂർ 09 .04 .2020

കായലും കക്കയുമുള്ളൊരു നാളുകളിൽ കഴിയുകയിങ്ങിനെ കയങ്ങളിൽ മുങ്ങി പൊങ്ങി കായത്തിന് കെൽപ്പുള്ളൊരു ദിനരാത്രങ്ങൾ കഷ്ടപ്പാടിന്റെ ദൈന്യതളിനിയും പോകുമോ കാലം മായ്ക്കുമീ മുറിവുകൾ സ്വയം കൃതാർത്ഥം കൈകൂപ്പി തൊഴുതുരുകിയ മനവുമായി കാത്തിരിക്കാമിനിയുമെത്ര നാളിങ്ങനെ കനിയാതിരിക്കില്ല കാണാമറയത്തിരുന്നു കരുണയെഴും കാരണഭൂതനാം ഉടയോൻ .... കല്പനകൾക്കു മുടിവില്ല മോഹങ്ങൾക്ക് അറുതിയില്ല കലരും സുഖദുഃഖങ്ങളിനിയും വന്നുപോകിലും കരയാതെ മനുജാ...!! വരും നല്ലൊരു നാളെ നിശ്ചയം ....... ജീ ആർ കവിയൂർ 7 .4 .2020

അക്ഷരങ്ങൾ കൂട്ടുപിരിയും ജീവിത സന്ധ്യയിൽ അകന്ന കാൽപ്പാടുകൾ മാഞ്ഞു  വഴികളിലായ് ഇന്നലെകളുടെ ഓർമ്മകളും അതുനൽകും ഇണപിരിയാത്ത സുഖദുഃഖങ്ങളുടെ കെട്ടുപാട് സമ്മോഹനങ്ങളുടെ നടുവിലായ്  നിൽക്കുമ്പോൾ ചുണ്ടുകളിൽ വിരിഞ്ഞു മലർന്ന  ഈണത്തിനൊത്ത് ചുടലയുടെ വഴിപിരിയും നേർത്ത പുകമറയാൽ ചടുലതയില്ലാ മൗനരാഗങ്ങൾ വഴിമുട്ടിനിൽക്കുമ്പോൾ അകന്നിരുന്നവ കൂട്ടുകൂടി ചിരിച്ചാർത്തുലഞ്ഞു അടുത്തു വരിവരിയായി നിന്ന് പുഞ്ചിരി തൂകുന്നു വെണ്മയേഴും ജീവിത പുസ്തകത്തിലായി കാവ്യ വർണ്ണങ്ങൾ നിറച്ചു വെട്ടിയും കുത്തും ഇല്ലാതെ ...!! ജീ ആർ കവിയൂർ 7 .4 .2020