Thursday, August 1, 2013

ദിശ തേടും ഓര്‍മ്മകള്‍

ദിശ തേടും ഓര്‍മ്മകള്‍


ഇഴയുന്ന മനസ്സു മഞ്ഞളാടിയ
കളങ്ങളിൽ പിടി തരാതെ
സർപ്പ പാട്ടിൻ മുഴക്കങ്ങളിൽ
പാതാള ലോകത്തിൻ
പദ സ്വനങ്ങൾ
വൈതരണി പുഴ
നീന്തി കടക്കുമ്പോൾ
ഫണമുയർത്തി മാറടുവാന്‍
സൂര്യ പടം റൌക്ക ലക്ഷമിട്ടു
കടക്കണ്ണിലെ അന്ഗ്നിയാല്‍
ആര്‍ത്തി പുണ്ട രൂപങ്ങള്‍ക്ക്‌
ഉണര്‍വേകുന്ന പുള്ളവ വീണയും
കുടത്തിന്‍ മൂളലുകളും
കുത്തിയോടുന്ന കത്തി മുനയിലെ
അടക്കയും  പൂക്കിലകളും
ഉറഞ്ഞു തുള്ളുമ്പോള്‍ കരിമഷി പടര്‍ന്ന
നിലവിളക്കിന്‍ കൂമ്പുകള്‍ ഓര്‍മ്മകളെ
ഒരു ദിശയിലേക്കു കൊണ്ടു പോയികൊണ്ടിരിക്കുന്നു

1 comment:

ajith said...

ഒരേ ദിശയിലേയ്ക്ക്...!!