രാ - മായണം

രാ - മായണം 

പണ്ട് പണ്ട് മുത്തശ്ശി  പഠിപ്പിച്ചു തന്നു 

ബാലന്‍ അയോദ്ധ്യ പുക്കു    , 

ആരണ്യം തന്നിലേറി ,

കിഷ്കിന്ധാതിപനോടൊത്തു

സുന്ദരമായി യുദ്ധംചെയ്യത് ,

ഉത്തരമായി രാമായണം  

ഇന്ന് മുത്തശ്ശിമാര്‍ തന്നത്താന്‍ പറഞ്ഞു 

പഠിക്കുന്നു  ,അമ്മക്കിളി കുങ്കുമ പൂവുതേടി

പുതിയ ഗീതങ്ങള്‍ കേട്ടു  ഡീലു ഉറപ്പിച്ച്

മലബാറും ജോസ്കോയും വിജയലക്ഷ്മിയിലുടെ 

സ്വര്‍ണ്ണവും പട്ടും വാങ്ങുവാന്‍ മത്സരിക്കുന്നു 

മഞ്ചും മാഗിയും തിന്നു കൊണ്ട് 

കൊച്ചുമക്കള്‍ ടാബ്ലറ്റില്‍  

രാമായണ യുദ്ധം കളിക്കുന്നു