ഇടം കണ്ണു തുടിക്കുന്നുവല്ലോ

ഇടം കണ്ണു തുടിക്കുന്നുവല്ലോ

പല്ലവി

ഇടം കണ്ണു തുടിക്കുന്നുവല്ലോ 

ഇങ്കിതമറിയിക്കുവാൻ ആകുമോ 

ചരണം 1

ഇനി വരാനുള്ള ദിനങ്ങളിൽ

ഇഷ്ടമുള്ളവനെ കാണുവാനാകുമോ 

ഇടതടവില്ലാതെ ഉറക്കമില്ലാതെ 

ഇമയെന്തേ ഇടറുന്നുവല്ലോ 

പല്ലവി

ഇടം കണ്ണു തുടിക്കുന്നുവല്ലോ 

ഇങ്കിതമറിയിക്കുവാൻ ആകുമോ 

ചരണം 2

ഇതളറ്റ മോഹത്തിൻ നോവോ 

ഇങ്ങുവരുമോ നീ ഇനിയും പ്രിയനേ 

ഇരുളടഞ്ഞ വഴികളിൽ പോലും 

ഇണചേർന്ന ദീപമായ് മാറുമോ 

പല്ലവി

ഇടം കണ്ണു തുടിക്കുന്നുവല്ലോ 

ഇങ്കിതമറിയിക്കുവാൻ ആകുമോ 

ചരണം 3

ഇമ്പമേറും സന്ദേശവുമായി 

ഇനിമേൽ നാം ഒന്നിച്ചു ചേരുമോ 

ഇളംകാറ്റിൽ ഈറനാം രാവിൽ 

ഇടറാത്ത സ്‌നേഹമായ് പെയ്യുമോ 

പല്ലവി

ഇടം കണ്ണു തുടിക്കുന്നുവല്ലോ 

ഇങ്കിതമറിയിക്കുവാൻ ആകുമോ 

ചരണം 4

ഇനിയൊരു വേള നാം കണ്ടുമുട്ടിയാൽ 

ഇടനെഞ്ചിൽ നിത്യമായ് വാഴുമോ 

ഇനിയെന്നും നമ്മൾ കൈകോർത്തു നിന്നാൽ 

ഇഹലോകമൊരു സ്വർഗ്ഗമാകുമോ

ജീ ആർ കവിയൂർ 

20 08 2026

(തിരുവല്ല, കവിയൂർ)