Monday, March 12, 2018

കുറും കവിതകള്‍ 745


കമ്മ്യൂണിസം മുങ്ങിയത്
അറിയാതെ നില്‍ക്കുന്ന
ചീനവലയുടെ ഒരു നില്‍പ്പേ ..!!

പൂവിതളൊഴുകി
പുഴയുടെ പുണ്യം
പുളകം കൊണ്ടുമനം  ..!!

മലമുകളിലെ ദൈവത്താര്
ഇറങ്ങി വരുന്നുണ്ട് .
മനം പടയണി താളം ചവുട്ടി ..!!

കണ്ണുകള്‍ ഇറുകി അടഞ്ഞു
അടവി താണ്ടി വരുന്നുണ്ട്
ഇരുളകറ്റി കൊണ്ടൊരു കോലം ..!!

കുളിര്‍ കാറ്റുവീശി
ഇലകള്‍ വിറകൊണ്ടു
മനസ്സില്‍ എവിടെയോ വിങ്ങല്‍ ..!!

കണ്ണടച്ചു തുറക്കുമ്പോഴേക്കും
പടിയിറങ്ങുന്നു ബാല്യം .
ഓര്‍മ്മകളിലൊരു നോവ്,,!!

ഇരുളിന്റെ ആഴങ്ങളില്‍
നക്ഷത്ര തിളക്കം തേടുന്നു
കണ്ണാടി സ്വപ്‌നങ്ങള്‍ ,,!!

ഓര്‍മ്മകള്‍
തഴുതിട്ടു പൂട്ടിയ
സ്വപ്ന നോവുകള്‍ ..!!

കണ്ടു മറക്കാതിരിക്കട്ടെ
കരയെ തൊട്ടകന്നു തിര .
ബാല്യമൊരു ഓര്‍മ്മപ്പൊട്ട് ..!!

സമാന്തരങ്ങളില്‍
ലംബം തേടുന്ന
ജീവിത നോവുകള്‍ ..!!

No comments: