Sunday, June 19, 2011

കാത്തുകൊള്ളണമേ

 കാത്തുകൊള്ളണമേ




ഇറുകിയടച്ചു കണ്ണും മനകണ്ണാലുമെന്തേ


ഇന്നു നിന്നെ എന്തെ കണ്ടിലല്ലോ കണ്ണാ


ഇരേഴു പതിനാലു ലോകത്തെയെല്ലാം

ഇവിടുന്നു പരിപാലിച്ചു പോകുന്നുവല്ലോ




നിനവിലും കനവിലും പരുതിയെങ്ങും


നിന്നെ തിരക്കിയങ്ങു ഗോകുലത്തിലും


നിറഞ്ഞു ഒഴുകുമാ കാളിന്ദി തീരങ്ങളും


നിറപകിട്ടാര്‍ന്നോരു ചേലയും കിങ്ങിണിയും






മയില്‍ പീലി ചൂടുമാ തിരുമുടിയിലും


മനോഹരമാം മുരളി രവമതിനായ്


മഥുര തന്‍ മധുരമേ മായാ പ്രപഞ്ചമേ

മനവും തനവുമായി കാത്തു  ഞാനും






അറിവിന്‍ നിറകുടമേയല്‍പ്പം


അകതാരിലിത്തിരി തിരീ തെളിച്ചീടണമേ


അര്‍ജ്ജുനനു ഉപദേശിച്ചില്ലേ ഗീതാമൃതം


അവിടുന്നുയെനിക്കുമതിന്‍ പോരുള്‍






പകര്‍ത്തി തരണമേ നിത്യവും


പാരായണത്തിനായി നാരായണാ


പാഴാതെ നല്‍കണേ ശക്തിയും ബുദ്ധിയും


പദമലര്‍ കുമ്പിടുന്നേന്‍ ഇവന്‍ എപ്പോഴുമായി

1 comment:

ajith said...

കണ്ണന്റെ മുമ്പില്‍ കദനമില്ല