Monday, October 6, 2014

നിറ നാഴി അവലിന്‍ കഥ .................



നിറനാഴി അവലിന്‍ കഥകേട്ടു
ഉറങ്ങുന്ന കണ്‍ മണി നിനക്ക്കായ്
കരളിന്റെ നൊമ്പര ഗാനം
പാടാം ഞാന്‍ നിനക്കായ്  മാത്രം

വഴിയായ വഴിയിലൊക്കെ നടകൊണ്ടവനു
അകമ്പടിയായി ചകോരാതി പക്ഷികള്‍
വിപഞ്ചികള്‍ മീട്ടി സ്വരരാഗ സര്‍ഗ്ഗം മധുരം
ചങ്ങാത്തത്തിന്‍ ഓര്‍മ്മകള്‍ അയവിറക്കി പഥികന്‍

സ്നേഹ ബഹുമാനത്തോടെ ബാലന്മാര്‍
ഗുരുപൂജക്കായി കാനനശ്ചായയില്‍ നിന്നും
ഫലമൂലാതികളൊക്കെ കരുതി നടന്നുമെല്ലെ
കരുതിഎല്ലാവരെയും കണ്ണന്‍ കാതോടു കാതോരം

കഥകളുടെ കിഴിക്കെട്ടുമായി ഒരുപിടി അവലുമായി
കടന്നെത്തി സതീര്‍ത്ഥ്യന്‍ തന്നുടെ പടിവാതിലില്‍
കണ്ടു നിര്‍വൃതികൊണ്ടു കരുതല്‍ അറിഞ്ഞു മടങ്ങി
കണ്ട കാഴ്ചകള്‍ അനന്തരം കണ്ണുകള്‍ക്ക്‌ ആനന്ദ ദായകം

നിറനാഴി അവലിന്‍ കഥകേട്ടു
ഉറങ്ങുന്ന കണ്‍ മണി നിനക്ക്കായ്
കരളിന്റെ നൊമ്പര ഗാനം
പാടാം ഞാന്‍ നിനക്കായ്  മാത്രം


1 comment:

Cv Thankappan said...

നന്നായിരിക്കുന്നു രചന
ആശംസകള്‍