Monday, December 30, 2013

കാത്തിരിക്കാമിനി

കാത്തിരിക്കാമിനി

എന്തിനുമേതിനുമൊരുമ്പിട്ടിറങ്ങുന്നു
ചീന്തുവാൻ പിച്ചുവാൻ തളിരിട്ട ലതകളെ
മോഹഭംഗങ്ങളാം നീർച്ചാല്  കീറവേ
നരിപോലെ ചിറകിട്ടടിക്കുന്നു തരുണിയും

വലനെയ്തിരിക്കും ചിലന്തിയായ് മാറുന്നു
ഊറ്റുവാൻ ജനനിതൻ മൃദുല മോഹങ്ങളേ
മാംസമീമാംസകൾ കഴുകനായ്‌ തീരുന്നു
നൊമ്പരപ്പൂക്കളായ് ചിത്തമതു  കേഴുന്നു

മാദകഗന്ധവും  മായികാതീഷ്ണവും
മറയാത്ത നിഴലുപോൽ പുനരപിയാകുന്നു
ചോരയൊന്നൂറ്റുവാൻ താണ്‍ഡവമാടിടാൻ
പിസാശുക്കളായവർ  മ്ലേച്ഛരാം മാനവർ

ഭോഗവുമർഥവും പായുന്നു പിന്നാലെ
മാറ്റിയെടുക്കുവാൻ മാർഗ്ഗമില്ലാതൊട്ടു
നട്ടം തിരിയും വ്യവസ്ഥിതി മാറ്റണം
ഒന്നിച്ചിറങ്ങിടാം ലാഭേച്ഛയില്ലാതെ
പുതുവത്സരപ്പുലരി പുണ്യമതുപാടും
നല്ലയൊരു നാളെ നാം കണ്ടങ്ങുണരും


old one
കാത്തിരിക്കാമിനി

എന്തിനുമെതിനുമൊരുങ്ങിയിറങ്ങുന്നു
പിച്ചിചീന്തപ്പെടുന്ന തളിരുകള്‍
മോഹഭംഗങ്ങളുടെ നീര്‍ച്ചാലുകള്‍
ഭീതിയുടെ നരി ചീറുകള്‍ ചിറകിട്ടടിക്കുന്നു
വല നെയ്തു കാത്തിരിക്കുന്ന ചിലന്തികള്‍
മൃദുല വികാരങ്ങളൊക്കെ
കൈവിട്ടകലുന്നു കാലത്തിന്‍
നൊമ്പരങ്ങള്‍ തീപ്പൊരിയായി
മായികമാം മാംസദാഹത്തിനായി
ദാഹിച്ചു മനുഷ്യ രൂപികളാം
ചെകുത്താന്മാര്‍ എങ്ങും വിഹരിക്കുന്നു ,
അര്‍ത്ഥങ്ങളുടെ പിന്നാലെ പായുന്നയിവരെ
തുടച്ചു നീക്കാന്‍ ചൂലുകളും അരിവാളുകളുമായി
ഒരുങ്ങാമിനി വരും പുതുവത്സര പിറവിക്കായി
കാത്തിരുന്നു മുന്നേറാം നല്ലൊരു നാളെക്കായി 

1 comment:

സൗഗന്ധികം said...

നല്ല കവിത

പുതുവത്സരാശംസകൾ....