Saturday, February 23, 2013

കുറും കവിതകള്‍ 57



കുറും കവിതകള്‍ 57




പകലിന്റെ മാറില്‍ തലചായിച്ച സന്ധ്യ 
രാവിനെ വരവേല്‍ക്കുന്നു നിത്യം          
ദിനങ്ങളുടെ മഹാത്മ്യം  നോക്കാതെ 

ഓണമെന്നും വിഷുവെന്നും 
ഓരോന്നിനും പേരും നിര്‍വചനങ്ങളും  
കേവലം മനുഷ്യ സൃഷ്ടികള്‍ 


പ്രണയം തുവല്‍ പൊഴിക്കാറുണ്ടോ 
വിരിക്കാറല്ലേ ഉള്ളു   
കൊഴിച്ചാല്‍ വിരഹമല്ലേ 

ഉച്ചരിക്കുന്നത് ഒന്ന് 
ചിന്തിക്കുന്നത് മറ്റൊന്ന് 
അതല്ലോ ഇന്നെന്റെ മാതൃഭാഷ 

കുലുക്കൊഴിഞ്ഞു കളഞ്ഞു 
ചിന്തകളൊക്കെ   ഒഴിയാതെ 
പിന്‍പേ കൂടുന്നു ഓര്‍മ്മകളായി 

ആറ്റു നോറ്റു  വായിക്കാന്‍  എടുത്ത 
വേദ പുസ്തകത്തില്‍ നിന്നും 
തലനീട്ടി അഞ്ഞൂറിന്റെ മഞ്ഞ ഗാന്ധി 

മടിശീലയിലും കുടശീലയിലും 
ഇല്ലാതെയാവുമ്പോള്‍ 
തിരിശീലക്കുപിന്നിലാക്കുന്നു അമ്മയെ 

2 comments:

Cv Thankappan said...

മടിശീലയിലും കുടശീലയിലും
ഇല്ലാതെയാവുമ്പോള്‍
തിരിശീലക്കുപിന്നിലാക്കുന്നു അമ്മയെ

അര്‍ത്ഥമുള്ള വരികള്‍
ആശംസകള്‍

ajith said...

ആശംസകള്‍