Saturday, November 5, 2016

നിന്‍ നിഴലില്‍



നിന്‍ നിഴലില്‍

താണ്ടി ഏറെ നാഴികകള്‍
വിനാഴികള്‍ പകരും സാന്ത്വനമായ് 
നിന്‍ അരികിലെത്താന്‍

എന്റെ നോവിന്‍ രുചി പകരാന്‍
കണ്ണുനീരു ചാലിച്ച്
ഞാന്‍ മഷിയായ് മാറി

തളിച്ചു ഞാനതില്‍ സന്തോഷം
നിന്‍ ചുണ്ടുകളിലൊരു
പൂവിരിഞ്ഞു കാണുവാനായി

വാക്കുകള്‍ കൊണ്ട് നൃത്തം ചവുട്ടാന്‍
ഞാനറിയാതെ
ഒഴുകി മഷിയായ് മാറി

നിനക്കായ് മാത്രം ചലിക്കും
തുലികയിലേക്ക് പടര്‍ന്നു
വരികളില്‍ നിന്‍ മികവു നിറഞ്ഞു

അതില്‍ എന്റെ ചിന്തകള്‍
നിന്നെ കുറിച്ചു മാത്രമായ്
കൊത്തി വച്ചു ഹൃദ്യമാക്കാന്‍ ശ്രമിക്കുന്നു

എന്നിലെ ഭയവും
എന്നിലെ വിശ്വാസവും
ശ്വാസനിശ്വാസങ്ങളും ഞാന്‍ കുറിക്കട്ടെ

നിന്‍ മനസ്സില്‍ പതിയട്ടെ
എന്‍ അക്ഷര പൂമരത്തിന്‍
നറുഗന്ധവുമതിന്‍ ചാരുതയും

എന്നുമിന്നും കൊതിക്കട്ടെയോ
ഞാന്‍ എന്‍ അക്ഷരകൂട്ടിന്‍
രുചികളാല്‍ വീണ്ടും വീണ്ടും

തങ്കലിപികളാല്‍ തീര്‍ക്കട്ടെ
വാക്കുകള്‍ കൊണ്ടൊരു കാവ്യം
ഞാനെന്‍ ഹൃദയഭിത്തിയില്‍ ..!!

ജീ ആര്‍ കവിയൂര്‍
കൊല്‍ക്കത്ത
4-11-2016

No comments: