ഹൃദ് സ്പന്ദനം

ഹൃദ് സ്പന്ദനം

എൻ ഉള്ളിലെ ഒറ്റക്കമ്പി വീണ

ശ്രുതിയുണർത്തി,

വിണ്ണോർമ്മകൾ മെല്ലെ ചുവടുവെച്ച്

വരികളായി പാടുന്നു.

മഞ്ഞുതുള്ളികൾ ചേർന്നൊഴുകും

പുഴപോലെ,

നിന്റെ സ്വപ്നങ്ങൾ നിറഞ്ഞൊരു

നില്പ് സദാ.

നിന്റെ സൗന്ദര്യം വർണ്ണിക്കാൻ

വാക്കുകൾ മതിയാവില്ല,

രാവിൻ നിലാവിന്റെ

മൃദുലസ്പർശം പോലെ.

കണ്ണീരിനേക്കാൾ മൃദുലമായ്,

ആവിപോൽ പടർന്നൊരു സൗരഭ്യം,

എൻ നെഞ്ചിൽ തുടികൊട്ടും

ഗാനമായി ശേഷിക്കുന്നു.

നിശ്ശബ്ദ രാത്രിയിൽ

നീയൊരു താരകമായി,

ഉറങ്ങാത്ത മിഴികളിൽ

തെളിയുന്ന കനവായി.

അകലെയാണെങ്കിലും

അരികിലായ് തോന്നുന്നു,

കാറ്റിന്റെ വിരലുകളിൽ

നിൻ സ്നേഹം തഴുകുന്നു.

മാഞ്ഞുപോയ പാതയിൽ

കാലടിപ്പാടുകൾ പോലെ,

മായാത്തൊരു സാന്നിധ്യം

മനസ്സിൽ നിറയുന്നു.

ഒരു മാത്ര ജന്മത്തിൽ

തീരാത്തൊരു ബന്ധം,

യുഗങ്ങൾ കടന്നാലും

നിലയ്ക്കാത്തൊരു ഹൃദയസ്പന്ദനം.

നീയില്ലാ വേളകളിൽ

നിഴലുപോൽ ഞാൻ,

നീ വന്നെത്തുമ്പോൾ

പൂക്കുന്നൊരു വസന്തം.

എൻ ഉള്ളിലെ വീണയിൽ

നീ പകർന്ന രാഗം,

അവസാന ശ്വാസംവരെ

മായാതെ നിലനിൽക്കും.

രചന: ജി ആർ കവിയൂർ

05 09 2026

( തിരുവല്ല , കവിയൂർ)