Wednesday, February 22, 2017

അക്ഷരം പൂക്കും വരേക്കും ...!!

അക്ഷരം പൂക്കും വരേക്കും ...!!

വരികയിനി നമുക്കിനിയാരുമറിയാതെ  ഒളിച്ചോടീടാം
പൂത്തുലഞ്ഞു  സുഗന്ധം നിറയും സ്വപ്നലോകത്തേക്ക്
ചുണ്ടുകള്‍ കോര്‍ത്തു ശ്വാസമൊന്നാമിടത്തേക്കു
കണ്ടതൊക്കെ സത്യമായീടുകിലെന്നു ആശിച്ചീടാം
തളിര്‍ക്കട്ടെ നിറയട്ടെ സന്തോഷത്തിന്‍ പൂത്തിരി
നിന്റെ ചിന്തകളാല്‍  നിറയുന്നെന്‍ ഹൃദയത്തിലാകെ
അമൂല്യമാം എഴുതിയാലും തീരാ അക്ഷര നിധികള്‍
നിരയാര്‍ന്ന നിന്‍ കരിമിഴികളിലെ കവിതകളൊക്കെ
പകര്‍ത്തി എഴുതാമിനി ഞാനെന്‍  വിരല്‍തുമ്പിനാല്‍
കണ്ണുനീരാല്‍ നനഞ്ഞു മായുന്നുവല്ലോ വേദനയാല്‍
മൗനത്തിന്‍ താഴ് വാരങ്ങളില്‍ പുല്‍ നിറയും പോലെ
ഏന്തേ ഇതൊക്കെ പ്രഹേളികയായ്‌ മാറുന്നത് പോലെ
നീ ഇല്ലാതെ ഞാനില്ലാതാകുന്നുവല്ലോ എന്നൊരു ചിന്ത
എന്നില്‍ വെമ്പുന്നു നിന്നോടു പറയുവാന്‍ ഞാന്‍ എത്രമേല്‍
നിന്നെ കാംഷിച്ചിരുന്നു എന്ന് ഉണ്ടോ നീ അറിയുന്നുണ്ടോ
പോയ്‌ പോയ വസന്തങ്ങളൊക്കെ ഇനിയും വരുമെന്ന്
കാത്തിരിപ്പു ഈ അക്ഷരമൊടുങ്ങാത്ത കവിതയുമായ്‌ ....!!

ജീ ആര്‍ കവിയൂര്‍
22- 02- 2017

No comments: