Sunday, May 3, 2015

പ്രത്യാശയുടെ പുലരിവെട്ടം



പെയ്യുവാന്‍ വെമ്പും മഴമേഘങ്ങള്‍

വാരിപ്പുണര്‍ന്നു കടന്നകന്നു കാറ്റ്

മനസ്സിന്റെ കോണില്‍ എവിടെയോ

നൊമ്പരത്തിന്‍ മിന്നല്‍ പിണരുകള്‍

നിലയില്ലാ കയത്തിലെക്കാഴ്ന്നു പോകുമോ

വിരലുകള്‍ വിറയാര്‍ന്നു മരവിപ്പിന്‍ മുന്നോടി

ചിന്തകള്‍ പോലെ നീണ്ടുവരുന്നു

മുഖമാസകലം വിഷാദത്തിന്‍ മുള്ളുകള്‍

നെഞ്ചിന്‍ കുടിനുള്ളില്‍ ഭയത്തിന്‍ പെരുമ്പറ

എങ്ങോട്ട് പോകുമെന്നറിയാതെ കണ്‍ മിഴിച്ചു

കര്‍മ്മത്തിന്‍ ബന്ധങ്ങളുടെ ബാന്ധവങ്ങള്‍

കൈവിട്ടു പോകുന്ന വിശ്വാസങ്ങളും

അമ്പലമണികള്‍ക്കും മന്ത്രങ്ങള്‍ക്കും മൗനം

പ്രകൃതി പ്രതിഷേധമറിയിച്ചു ഉറഞ്ഞു തുള്ളി

ജീവന്റെ തുടിപ്പുകള്‍ക്കു അതിജിവനത്തിന്‍ പാതയില്‍

ഒന്നും അറിയാതെ ചക്രവാളത്തിലേക്കു താഴുന്ന
 
സൂര്യനെ നോക്കി കണ്ടു കണ്ണടച്ചു ,ഇരുട്ടിനെ ധ്യാനിച്ചു

നാളെ നല്ലൊരു പ്രത്യാശയുടെ പുലരിവെട്ടം തെളിയുമല്ലോ ....

1 comment:

Cv Thankappan said...

പ്രതീക്ഷയോടെ,പ്രത്യാശയോടെ,
നല്ല നാളെയ്ക്കുവേണ്ടി....
ആശംസകള്‍