ഋതു ശോഭ(ഗസൽ)

ഋതു ശോഭ

(ഗസൽ)

നിൻ പദചലനം കാത്തുകഴിയുന്നു നിൻ ഓർമ്മയിൽ,

നിർനിദ്രരാവുകൾ പൂത്തുലയുന്നു നിൻ ഓർമ്മയിൽ.

മുകിലുകൾ തീർത്ത നിഴലുകൾ പാടിടും മൗനഗാനം,

മേഘമല്ലാറിൻ ശ്രുതി മുഴങ്ങുന്നു നിൻ ഓർമ്മയിൽ.

പുൽകിയ തെന്നലുകൾ വന്നു പ്രണയനൊമ്പരം ചൊല്ലി,

വറ്റിയ പുഴയ്ക്കും ഒഴുക്കുണരുന്നു നിൻ ഓർമ്മയിൽ.

രാവിൻ മൗനം ഭേദിച്ചുണരുന്നു ബാസുരിയുടെ നാദം,

ഋതുശോഭ വീണ്ടും വിരിയുന്നു നിൻ ഓർമ്മയിൽ.

എത്ര പാടിയാലും തീരുകയില്ല അനുരാഗഗാഥകൾ,

അധരചഷകങ്ങളിൽ ഗസൽ നിറയുന്നു നിൻ ഓർമ്മയിൽ.

"ജീ ആർ" എന്ന തൂലിക ഇന്നും നിന്നെ തേടുന്നു;

ഓരോ വരിയും ജനിക്കുന്നു നിൻ ഓർമ്മയിൽ.

ജീ ആർ കവിയൂർ

27-07-2026

( തിരുവല്ല, കവിയൂർ)