മനസ്സിന് ഏറ്റ മുറിവുകൾ

മനസ്സിന് ഏറ്റ മുറിവുകൾ

പല്ലവി

പ്രാണനേക്കാൾ സ്നേഹിച്ചവർ മൗനമായപ്പോൾ,

ഹൃദയത്തിനുള്ളിൽ കനൽമഴ പെയ്തു.

വിശ്വാസത്തിന്റെ ചില്ലുകൾ പൊട്ടിയ നിമിഷം,

ജീവിതഗാനം പോലും മൗനമായി.

ചരണം 1

സ്വന്തമെന്നു കരുതിയ കൈകൾ അകന്നപ്പോൾ,

സ്വപ്നങ്ങളൊക്കെയും നിഴലായി മാറി.

സ്നേഹം മാത്രം വിതച്ച വഴികളിൽ ഇന്ന്,

തിരികെ കിട്ടിയത് വേദന മാത്രം.

ചരണം 2

മനസ്സിന് ഏറ്റ മുറിവുകൾ മായില്ല എളുപ്പം,

കാലം പോലും ചിലത് തൊടുകയില്ല.

തകർന്ന ആത്മബന്ധങ്ങളുടെ ഓർമ്മകൾ,

കനൽപോലെ ഉള്ളിൽ എരിഞ്ഞുകൊണ്ടിരിക്കും.

ചരണം 3

എന്നാലീ വേദന തോൽവിയല്ല ഒരിക്കലും,

ജീവിതം പഠിപ്പിച്ച വലിയ പാഠമാണ്.

തകർന്ന ഹൃദയത്തിന്റെ ചാരത്തിൽനിന്ന്,

കരുത്തായി വീണ്ടും ഞാൻ ഉയർന്നുവരും.

ജീ. ആർ. കവിയൂർ

28 07 2026

( തിരുവല്ല, കവിയൂർ)