പേച്ചി അമ്മൻ തൻ മുന്നിൽ

 പേച്ചി അമ്മൻ തൻ മുന്നിൽ

പല്ലവി 

പേച്ചി അമ്മൻ തൻ തിരു നടയിൽ

മൊഴിയടഞ്ഞു മിഴിയടഞ്ഞു നിന്ന നേരം

അമ്മേ സരസ്വതി വീണാപുസ്തക ധാരണി

ശരണം ശരണം തവ ശരണം 

ചരണം 1

മുത്തുമാരിയമ്മൻ കോവിൽ തിരുമുറ്റത്തിൽ,

പേച്ചി അമ്മൻ തൻ സന്നിധി കണ്ടു വണങ്ങിടുന്നു.

തമിഴ്മൊഴിയിൽ പേച്ചിയെന്നാൽ സാക്ഷാൽ ശാരദാ ദേവിയല്ലോ,

അറിവിൻ്റെ പ്രകാശമായി ഉള്ളിൽ നിറഞ്ഞിടേണമേ അമ്മേ

ചരണം 2

വാങ്മയീ വാഗ്ദേവിയാം മാതാവേ സരസ്വതീ,

ഈ ദാസന്റെ മാനസതാരിൽ വിളങ്ങിടേണമേ 

ശ്വേതപത്മത്തിൽ വാഴും ജഗദംബികേ തായേ,

സത്ബുദ്ധിയും സദ്ഗുണവും പ്രസാദിച്ചീടേണമേ.

ചരണം 3 

ആ കൊച്ചു സന്നിധിയിൽ കണ്ടൊരാ ദിവ്യരൂപം,

ആത്മാവിൽ കുളിരേകി ദുരിതങ്ങൾ മാറ്റിടുന്നു.

വിദ്യയും ജ്ഞാനവും ചൊരിയുന്ന നാഥേ അവിടുന്ന്,

അടിയന്റെ നാവിൻതുമ്പിൽ സദാ നൃത്തമാടേണമേ 

ചരണം 4

അമ്മേ ശരണമെന്നു പാടി സ്തുതിച്ചിടുന്നു,

ആശ്രിതവത്സലയാം അവിടുന്ന് തുണയ്ക്കേണമേ 

പേച്ചി അമ്മൻ രൂപത്തിൽ വാഴുന്ന കലൈവാണിയേ,

അവിടുത്തെ തൃപ്പാദങ്ങളിൽ ഇതാ പ്രണമിക്കുന്നെൻ 

ജീ ആർ കവിയൂർ 

16 05 2026

(കവിയൂർ , തിരുവല്ല)