സ്മൃതിമാധുര്യം

 സ്മൃതിമാധുര്യം

എന്നുള്ളിൽ ഇന്നും വാടാതെ നിൽക്കുന്നു,

നരകയറാത്ത, ചുളിവുകൾ വീഴാത്ത നിൻ മുഖം.

നിനക്കായ് മാത്രമായീ മധുര നോവിൻ്റെ

അക്ഷര മലരുകൾ വിരിയുന്നതറിയുന്നുവോ?

തിരികെ വരാത്തൊരു ദിനങ്ങളുടെ-

ഓർമ്മക്കുളിരിലും ഇന്നും തീപാറുന്നു.

ഗ്രീഷ്മത്തിൻ ചൂടിലും ശിശിരവസന്തം

മഴയായ് എൻ മനസ്സിൽ പെയ്തിറങ്ങുന്നു.

ഉറക്കമില്ലാതെ വിയർക്കുന്ന ശ്വേത-

കണങ്ങൾക്കും ഇന്നും നിൻ്റെ ഗന്ധമോ?

നിലാവ് പടരുന്ന നിഴലുകളിലെന്നും

നിൻ ചിത്രവും ചിത്തവും കാണുന്നു ഞാൻ

.

ഇനിയൊരു ജന്മം ഉണ്ടെങ്കിൽ നമുക്ക്,

ഒരു തൂവൽ പക്ഷിയായ് മാറിടാം സഖീ...

വരും വസന്തത്തിൽ ഒരു ചില്ലമേൽ

കൂടുകൂട്ടി ഒപ്പം രാമനാമം ജപിക്കാം.

ജീ ആർ കവിയൂർ 

27 04 2026

(കവിയൂർ, തിരുവല്ല)