കാണുമെന്നൊരു മോഹമിനിയും

കാണുമെന്നൊരു മോഹമിനിയും 

ഹർഷബാഷ്പ ബിന്ദുക്കളാൽ—

നഖചിത്രം രചിക്കും രൂപമെൻ-

മനതാരിലിന്നും മായാതെ നില്പൂ...

മഴമുകിലുകൾ നിലാവിനെ മറയ്ക്കും പോൽ തോന്നുന്നുവോ നിന്നോർമ്മകൾ 

ഇരുൾ മൂടും വഴികളിൽ ഏകാകിയായ്

തിരയുന്നു  മൃദു സ്വരമന്ത്രങ്ങൾ...

കാറ്റിലലിഞ്ഞ നിൻ ഗന്ധമായ് 

പടരുന്നു എന്നിൽ സുഗന്ധം പോലെ.

മൗനത്തിൻ തടവറയ്ക്കുള്ളിലായി-

കഴിഞ്ഞു കൊഴിഞ്ഞ നിമിഷങ്ങൾ മാത്രം...

ഇനിയൊരു ജന്മത്തിൻ തീരത്തുവെച്ചു-

കാണുമെന്നൊരു മോഹമിനിയും പ്രിയതേ 

ജീ ആർ കവിയൂർ 

13 05 2026

( കവിയൂർ, തിരുവല്ല)