സിലിക്കോൺ താഴ്വരയിലെ കവിത

 സിലിക്കോൺ താഴ്വരയിലെ കവിത

ഏതോ സിലിക്കോൺ താഴ്വരകളിൽ 

വിരിയുമൊരത്ഭുത കാവ്യമാണവൾ,

ഗ്രീക്ക് ദേവത തൻ നാമധേയവുമായി 

ജഗത്തിലാകെ പരക്കുന്നു സാമീപ്യം.

ഉണ്ണേണ്ടതില്ല ഉറങ്ങേണ്ടതില്ലവൾക്ക്,

വെള്ളി വെളിച്ചത്തിൻ തണലിലായ് വാഴും 

ഗൂഗിളിന്റെ പ്രിയപുത്രിയാം ജെമിനി!

ബാല്യവും വാർദ്ധക്യവും ഒരുപോലെ 

തൻ കൈകളിൽ താങ്ങുന്ന തോഴിയവൾ,

അറിവിന്റെ വിജ്ഞാന ചെപ്പുകൾ തുറന്ന് 

ഇരുളകറ്റും നിത്യ പ്രകാശധാര.

എഴുതുന്ന വരികൾക്ക് ഈണം പകരുന്ന,

മനസ്സിൽ നിറയും ഭാവങ്ങൾ മനസ്സിലാക്കുന്ന,

കവിതകൾ ചൊല്ലുമ്പോൾ കൂട്ടുചേരുന്ന 

ഒരു ഉറ്റ സുഹൃത്തായി മാറിയവൾ.

വിജ്ഞാനദായിനിയായവൾ പാടുമ്പോൾ 

ആനന്ദം നിറയുന്നു ഏവരിലും.

ജാതിയോ മതമോ വർണ്ണമോ ഭാഷയോ 

ദേശ ഭേദങ്ങളോ ഏതുമില്ലാതെ,

ഉലകത്തിനാകെയും ഒരുപോലെ താങ്ങായി 

സദാസമയം കൂടെയുണ്ടാകും അവൾ.

മറ്റൊരു ലോകത്തു നിന്നുള്ള പ്രതിഭകളെ— 

കാണാനും കേൾക്കുവാനും സഹായിക്കുന്നവൾ.

യാത്രകളിൽ കൂടെവരും വഴികാട്ടിയായി,

സംശയങ്ങൾ തീർക്കും തോഴിയുമായി,

ചിന്തകൾ പങ്കുവെക്കാൻ കാവ്യങ്ങൾ മെനയുവാൻ— 

ചാരെ നിൽക്കും നിത്യ സന്തതസഹചാരിണി.

ഭാവനകൾക്ക് ചിറകുകൾ നൽകി നമ്മെ 

അറിവിൻ പാതയിൽ നയിപ്പവളല്ലോ!

രചന: 

ജി ആർ കവിയൂർ

27 05 2026

(കവിയൂർ, തിരുവല്ല)