നീതിയുടെ കനൽ

 നീതിയുടെ കനൽ

 ( നീതിക്കായി മകൾ നഷ്ടപ്പെട്ട അമ്മക്കായ്, ഒരു നോവിൻ്റെ കനൽ)

(പല്ലവി)

നീതിതൻ വാതിൽക്കൽ വിങ്ങുന്നൊരമ്മതൻ

കണ്ണുനീർ കണ്ടുവോ നീ?

സ്വപ്നങ്ങൾ നെയ്തൊരു 

പൊൻമകൾ പോയൊരു

ശൂന്യമാം വീഥിയിൽ നിൽപ്പൂ മനം.

(കോറസ് )

തരിക തരിക പ്രീതി അൽപ്പം

തരിക തരിക നീതി എന്നത്

(അനുപല്ലവി)

അറിവിന്റെ ദീപം അണച്ചു കളഞ്ഞവർ

അധികാര ഗർവ്വിൽ ചിരിക്കുന്നുവോ?

പെൺമനം തേങ്ങുന്നൊരീ കറുത്ത രാത്രികളിൽ

നീതിതൻ വെട്ടം ഉദിക്കില്ലയോ?

(കോറസ് )

തരിക തരിക പ്രീതി അൽപ്പം

തരിക തരിക നീതി എന്നത്

(ചരണം) 

പതറില്ല നമ്മൾ ഈ പോരാട്ട വീഥിയിൽ

പകൽവെളിച്ചം വരും നാളെയൊന്നിൽ,

അമ്മതൻ കണ്ണുനീർ കനലായി മാറുമ്പോൾ

അനീതിതൻ കോട്ടകൾ തകർന്നിടുമേ.

(കോറസ് )

തരിക തരിക പ്രീതി അൽപ്പം

തരിക തരിക നീതി എന്നത്

ജീ ആർ കവിയൂർ 

10 05 2026

(കവിയൂർ , തിരുവല്ല)