കാലടി തൻ പുണ്യഭൂമിയിൽ

കാലടി തൻ പുണ്യഭൂമിയിൽ

കാലടി തൻ പുണ്യഭൂമിയിൽ ജനിച്ചൊരു ഉദയസൂര്യനായ്,

അമ്മതൻ പ്രീതിക്കായ് പൂർണ്ണാനദി തൻ ഗതി മാറ്റിയങ്ങ്.

മുതല പിടിക്കാൻ വരുന്നു എന്നൊരു മായ സൃഷ്ടിച്ചു കൊണ്ടേ,

സന്യാസ മാർഗ്ഗം വരിക്കാൻ തായതൻ അനുവാദവും നേടി.

ദേശാടനത്തിൻ വഴികളിൽ ജ്ഞാനത്തിൻ ദീപം തെളിച്ചു മുന്നേറി.

ഗുруവിൻ പദങ്ങളിൽ പ്രണമിച്ച് വേദാന്ത സാരങ്ങൾ ഉൾക്കൊണ്ടു,

കാശീ നഗരത്തിൽ വാണു ഭാഷ്യങ്ങൾ ലോകത്തിനായ് നൽകി.

ഭജഗോവിന്ദ മന്ത്രവും സൗന്ദര്യലഹരി തൻ വരികളും,

മാനവ ഹൃദയങ്ങളിൽ ഭക്തി തൻ അമൃതം ഒഴുക്കിത്തന്നു.

മണ്ഡന മിശ്രന്റെ വാദങ്ങൾ ജയിക്കുവാൻ, ഗൃഹസ്ഥധർമ്മത്തിൻ മർമ്മം ഗ്രഹിക്കാൻ,

പരകായപ്രവേശം നടത്തി സർവ്വജ്ഞപീഠവും ധന്യമാക്കി.

അമ്മയ്ക്ക് നൽകിയ വാക്കിനായ് കർമ്മങ്ങൾ ചെയ്യുവാൻ ഓടിയെത്തി,

മാതൃസ്നേഹത്തിൻ മാഹാത്മ്യം ലോകത്തിന് കാട്ടിത്തന്നു.

നാലു ദിക്കിലും നാലു മഠങ്ങൾ സ്ഥാപിച്ചു ഭാരത ഭൂമിയിൽ,

അദ്വൈത ദർശന സന്ദേശം മാനവ രാശിക്ക് പകർന്നു നൽകി.

ഇന്നും ആ കാലടിപ്പാടുകൾ പിന്തുടർന്നു വരുന്നു ജനതതി,

ദ്വൈതവുമദ്വൈതവും ഒന്നാകും ജ്ഞാന പ്രകാശമേ വന്ദനം!

ജീ ആർ കവിയൂർ 

27 05 2026

( കവിയൂർ , തിരുവല്ല)