എന്നെ തേടുന്നു

ഒരു ഭൈരവനെ പോലെ
കൊന്ന പൂ കിരീടം പൂണ്ടു ആടുന്നു
മീന മാസ സൂര്യന്റെ കിരണമേറ്റു
ചുട്ടുപൊള്ളി കാട്ടിലെ തീപോലെ
ആളിക്കത്തി നിന്നു ഒരു മൗന സരോവരം തേടുന്നു 
ധ്യാനാത്മകമാം ആന്തരിക ശ്രോതസ്സിൽ എവിടേയോ
സാന്ത്വന വീചികളാൽ തേങ്ങി
മനസ്സെന്നൊരു മാന്ത്രിക ചിമിഴിന്റെ
കാണാ പ്രഹേളികയായി പിന്തുടരുന്നു
നോവിന്റെ വിയർപ്പുകൾ
ബാഷ്പമായ് ഉരുകി ഒഴുകി പടർന്നു
ക്ഷാര ലവണങ്ങളും ഗന്ധം
അനുചിതമായ വഴിത്താരകളിൽ
പന്തലിച്ചു തണലിൽ ഇളവേൽക്കുന്നു
ഞാൻ എന്ന ഞാനേ തേടുന്നു
എന്റെ പ്രയാണം ജന്മ ജന്മങ്ങളാൽ നീളുന്നു ..!!
********************************************************************

ചിത്രം എന്റെ മൊബൈല്‍ കണ്ണുകളാല്‍ ഒപ്പി എടുത്തൊരു കണി കൊന്നയുമായ് സലഫി സ്ഥലം കോട്ടയം പുത്തനങ്ങാടി