Friday, October 8, 2010

അക്ഷര പൂജ

അക്ഷര പൂജ


ഓരോന്നായി അമ്പത്തോരക്ഷര പൂക്കള്‍

വിരിയിച്ചു ചുണ്ടാണി വിരലിനാല്‍

പഞ്ചാര മണലില്‍ തരികളില്‍

പിഞ്ചു കൈവിലരല്‍ നൊന്തുവെങ്കിലും

ഇന്നും ഞാനിന്നലെ പോലെ

ഓര്‍ത്തുയെന്‍ ഗുരുനാഥയെ

വര്‍ണ്ണിപ്പാന്‍ ഏറെ ശക്തനല്ലങ്കിലും

വാഞ്ചിത കര്‍മ്മ കാന്തരങ്ങളില്‍

പ്പെട്ടു ഇന്ന്‍ഞാനയലയുംമ്പോഴും

പദങ്ങളാല്‍ കൊരുത്തൊരു

മലര്‍ മാലയായ്‌ ചാര്‍ത്താന്‍

എന്‍ വാകേശ്വരിയെ

കലര്പ്പാര്‍ന്ന്‍ കലുഷിതമായി

മാറുന്നിതാ കാലത്തിന്റെ

കുത്ത് ഒഴുക്കില്‍ പ്പെട്ടു അന്യമായ്

കൊണ്ടിരിക്കുമെന്‍ ഭാഷക്കായി

ഒട്ടു കേഴുവാനില്ല കണ്ണുനീരിന്നു

വറ്റി വരണ്ടു പുഴകളും തോടുകളും

ഇന്ന് വഴി മാറി കൊടുക്കുന്നു

ഇരുപത്തിയാറിന്‍റെ പദസഞ്ചയങ്ങള്‍ക്കായ്

മാറണം ഇനിയും നാമിന്നു ഓര്‍ക്കണം

മാറിലേറ്റി നടക്കണം മലയാളമെന്ന

കിളിപ്പെണ്ണിനെ മറക്കാതെ അമൃതേറ്റി

നിത്യം താരുണ്യ വാതിയായ്

തളരാതെ തത്തി കളിക്കേണം

എല്ലാ നാവുകളിലും വിരല്‍തുമ്പിലും

എന്‍ മനസ്സിനിയാം മലയാളം

1 comment:

റ്റോംസ് കോനുമഠം said...

മാറണം ഇനിയും നാമിന്നു ഓര്‍ക്കണം

മാറിലേറ്റി നടക്കണം മലയാളമെന്ന

കിളിപ്പെണ്ണിനെ മറക്കാതെ അമൃതേറ്റി

നിത്യം താരുണ്യ വാതിയായ്