Thursday, August 20, 2015

കുറും കവിതകള്‍ 364

കുറും കവിതകള്‍ 364

ആകാശമാം തളികയില്‍
അമ്പിളിപൊന്‍ വെട്ടം
അമ്മകാട്ടിയുറക്കും വിശപ്പിനാശ്വസം

തിരമാലക്കൊപ്പം
കടല്‍ക്കാറ്റിനും വേദന .
അവളുടെ കണ്ണിലും ചുണ്ടിലും ലവണരസം .

ഓര്‍മ്മകളുടെ വര്‍ണ്ണങ്ങള്‍
ബാല്യത്തിന്റെ നാവില്‍
മധുരവും ലവണവും നിറച്ചു ചമ്പക്ക..

വെന്തുമലരുന്നുണ്ട്
ഓര്‍മ്മകള്‍ക്ക് മധുരം
ഉരുളിയില്‍ ഓണപായാസം .

ഇളക്കുന്നുണ്ട്‌ ഉരുളിയില്‍
മോഹങ്ങളുടെ തേന്‍ മധുരം
ഓര്‍മ്മകളിലേ ഓണം

വേവുന്നു അടുക്കളയിലേ
പുകമറയില്‍ വഴിക്കണ്ണ്‍ നട്ട്
ഓണം നിറഞ്ഞ ഓര്‍മ്മകളുമായി അമ്മമനസ്സ് 

No comments: