Saturday, January 23, 2010

എന്‍റെ ഭാഷ കവിത ജീ ആര്‍ കവിയൂര്‍

അമ്മിഞ്ഞപ്പാലോളം മധുരമുള്ള

അമ്മ പറഞ്ഞു തന്നതാണ്ന്‍റെ ഭാഷ

അന്‍പത്തോരക്ഷരത്തിന്‍ അന്‍പു പകര്‍ന്നു

അജഞാനമകറ്റിയതാണ്ന്‍റെ ഭാഷ

ആറു കടന്നാലും ആഴി കടന്നാലും

അക കാമ്പിനുള്ളില്‍ തുളുമ്പുന്നന്‍റെ ഭാഷ

എഴുത്താണി തുമ്പിലുടെ എഴുത്തച്ചന്‍

എഴുതിനല്‍കിയ കിളി പ്പാട്ടാണ് എന്‍റെ ഭാഷ

തുള്ളലിലുടെ കുഞ്ചന്‍റെ താളത്തില്‍

തുള്ളികളിച്ചതാണ്എന്‍റെ ഭാഷ

ആശാനും ഉള്ളുരും വള്ളത്തോളും

ആശയാല്‍ ഉള്ളുതുറന്നു തോള്‍ കൊടുത്തു-

-വളര്‍ത്തിയതാണ്ന്‍റെ ഭാഷ

ആരും മടിക്കല്ലേ ഇന്ന് അരുമ കിടാങ്ങള്‍ക്ക്

ആവോളം പകര്‍ന്നു നല്‍കണേ എന്‍റെ ഭാഷ

ആരാലും കൊല്ലാന്‍ കഴിയുകയില്ല

അറിയുക നിങ്ങളിനിയും എന്‍റെ ഭാഷ

ഇല്ല മരിക്കില്ല ഒരിക്കലും

മലയാളമെന്ന എന്‍റെ ഭാഷ

No comments: