മായാത്തൊരു ഓർമ്മ

മായാത്തൊരു ഓർമ്മ
[പല്ലവി]

മായാത്തൊരോർമ്മയായ് നീയെൻ ഉള്ളിൽ
മറയാത്ത നിലാവായ് നീയെൻ മുന്നിൽ

[ഒന്നാം ചരണം]

നിന്റെ കാൽപ്പാടിൻ ഓർമ്മയൊരു ചങ്ങലയായ്
എന്റെ കൈരേഖയിൽ പതിഞ്ഞൊരു നിഴലായ്
ചന്ദ്രനിൽ തേടിയ ജലമൊന്നും കാണാതെ
തണ്ണീരിലാ ചന്ദ്രബിംബം വിരിഞ്ഞുവല്ലോ

[ആവർത്തന പല്ലവി]

മായാത്തൊരോർമ്മയായ് നീയെൻ ഉള്ളിൽ
മറയാത്ത നിലാവായ് നീയെൻ മുന്നിൽ

[രണ്ടാം ചരണം]

നീ നടന്ന വഴിയിൽ പൂക്കൾ കൊഴിഞ്ഞപ്പോൾ
ഞാൻ കണ്ട സ്വപ്നങ്ങൾ മൗനമായ് തീർന്നു
കാറ്റിന്റെ കൈകളിൽ സന്ദേശമയച്ചിട്ടും
കാതോർത്തു നിന്നെൻ മനമിന്നും തേങ്ങി

[ആവർത്തന പല്ലവി]

മായാത്തൊരോർമ്മയായ് നീയെൻ ഉള്ളിൽ
മറയാത്ത നിലാവായ് നീയെൻ മുന്നിൽ

[മൂന്നാം ചരണം]

മഴത്തുള്ളി വീണൊരു മൺതരിയിലാകെ
നിന്റെ മുഖം മാത്രം തെളിഞ്ഞു നിന്നു
പകലിന്റെ വെളിച്ചം മാഞ്ഞുപോയാലും
നിലാവിൻ മധുരം നെഞ്ചിൽ നിറഞ്ഞു

[ആവർത്തന പല്ലവി]

മായാത്തൊരോർമ്മയായ് നീയെൻ ഉള്ളിൽ
മറയാത്ത നിലാവായ് നീയെൻ മുന്നിൽ

[നാലാം ചരണം]

കാലങ്ങൾ മാറിയാലും കാഴ്ചകൾ മാഞ്ഞാലും
നാമൊന്നായ് തീർത്ത നിമിഷങ്ങൾ മായാതെ
വിധിയുടെ വഴിയിൽ അകലങ്ങൾ വന്നാലും
വിടരാത്ത പൂവായ് നീയെൻ ഹൃദയത്തിൽ

[അവസാന പല്ലവി – ആവർത്തിക്കുക]

മായാത്തൊരോർമ്മയായ് നീയെൻ ഉള്ളിൽ
മറയാത്ത നിലാവായ് നീയെൻ മുന്നിൽ


ജീ ആർ കവിയൂർ 
19 11 2026
(തിരുവല്ല, കവിയൂർ)

Comments

Popular posts from this blog

വാവേ വാവാച്ചി

മഞ്ഞിൻ ചുംബനം( ഗാനം)

കഴിഞ്ഞുപോയ കാലം