ഹരിഹരസുതൻ ശരണം

ഹരിഹരസുതൻ ശരണം

[പല്ലവി]

ഹരിവരാസനം മാറ്റൊലികൊള്ളും 

ഹരിഹരപുത്രൻ വാഴും പുണ്യമലയേ...

ഹനിക്കണേ നീ ജന്മപാപങ്ങളൊക്കെയും

ഹരിഹരസുതനെ ശരണം ശരണം...

[ചരണം 1]

മകരജ്യോതിയായ് മിഴികളിൽ തെളിയും

മണികണ്ഠനേ നീ കലിയുഗവരദാ...

മലകളും കാടുകളും താണ്ടിയെത്തും

മനമുരുകും ഭക്തർക്കെന്നും തുണയേകിടണേ...

[ആവർത്തന പല്ലവി]

പടിമുകളിൽ വാഴും ഭഗവാനേ

പാപപരിഹാരകനേ സ്വാമി അയ്യപ്പാ...

[ചരണം 2]

പരമപവിത്രമാം പതിനെട്ടാം പടി

പടിയേറുന്ന സ്വാമിഭക്തർ...

ഇരുമുടിക്കെട്ടുമായ് സന്നിധിയിലെത്തും

ഇനിയുള്ള ജന്മവും നിനക്കായ് നൽകാം...

[ആവർത്തന പല്ലവി]

പടിമുകളിൽ വാഴും ഭഗവാനേ

പാപപരിഹാരകനേ സ്വാമി അയ്യപ്പാ...

[ചരണം 3]

കലിയുഗദോഷങ്ങൾ അകറ്റിടും ദേവാ

കരുണാമയനേ കൈവിടരുതേ...

അഭയമായ് എന്നും അരികിലുണ്ടാകണേ

അയ്യപ്പസ്വാമിയേ ശരണം ശരണം...

[ആവർത്തന പല്ലവി – അവസാനമായി]

പടിമുകളിൽ വാഴും ഭഗവാനേ

പാപപരിഹാരകനേ സ്വാമി അയ്യപ്പാ...

സ്വാമിയേ ശരണം അയ്യപ്പാ...

സ്വാമിയേ ശരണം അയ്യപ്പാ...

ജീ ആർ കവിയൂർ 

14 11 2026

( തിരുവല്ല, കവിയൂർ)