മുറിവുകൾ മാഞ്ഞു

മുറിവുകൾ മാഞ്ഞു

വിവരം തിരക്കുവാൻ ഇനി വരരുതേ

വേദന പങ്കിടുവാൻ കാത്തുനിൽക്കരുതേ

ബന്ധത്തിൻ പേരുകൾ ചൊല്ലിടരുതേ

മനസ്സിലെ മോഹങ്ങൾ പൂത്തിടരുതേ

മൗനത്തിൻ തീരത്ത് തനിച്ചിരുന്നൂ

മറന്നൊരു സ്വപ്നത്തെ തിരഞ്ഞുനിന്നൂ

കണ്ണുനീർ തുള്ളികൾ മണ്ണിലലിഞ്ഞു

കഴിഞ്ഞൊരു കാലവും ഓർമ്മയൊതുങ്ങി

പറയാതെ പോയൊരു കഥയുണ്ടിന്നും

പിരിയാതെ നിന്നൊരു നിഴലുണ്ടിന്നും

അറിയാതെ വീണൊരു മുറിവുണ്ടെങ്കിലും

അടരാതെ ജീവിക്കാൻ കരുത്തുണ്ടിന്നും

പുതിയൊരു പുലരിയെ വരവേൽക്കുന്നു

പുഞ്ചിരി പൂക്കളാൽ വഴിയൊരുക്കുന്നു

തിരികെ വരാത്തതിൽ പരിഭവമില്ല

തകർന്ന ഹൃദയത്തിലും പ്രതീക്ഷയുണ്ട്

രചന :ജീ ആർ കവിയൂർ 

10 11 2026

( തിരുവല്ല, കവിയൂർ )