നിലയ്ക്കാത്ത കാത്തിരിപ്പ്

പല്ലവി

അകലുവാൻ കഴിയുന്നില്ല നിന്നിൽ നിന്നെൻ പ്രിയേ

അരികിൽ നീയിരിക്കുവാൻ വിധിയുമില്ലല്ലോ

വരുമെന്നൊരു പ്രതീക്ഷ മനസ്സിൽ മായുന്നില്ല

തീരാത്തൊരു കാത്തിരിപ്പിന്നവസാനമില്ലല്ലോ

ചരണം 1

വരവിന്റെ വഴികളിൽ മിഴികൾ തിരഞ്ഞു നിന്നു

വസന്തത്തിൻ പൂക്കളിൽ മുഖം തിരഞ്ഞു കണ്ടു

പറയാത്ത മോഹങ്ങൾ നെഞ്ചിൽ ഒളിച്ചു വെച്ചു

പിരിയാത്ത നിൻ ഓർമ്മയിൽ രാവുകൾ തീർത്തു

ചരണം 2

അറിയാതെ വന്നൊരു കാറ്റിൽ നിൻ ഗന്ധം തേടി

അണയാത്ത ദീപമായ് നിൻ സ്മരണ കാത്തു

മറക്കുവാൻ ശ്രമിച്ചിട്ടും മനസ്സ് വഴങ്ങുന്നില്ല

മറുപടി കിട്ടാത്തൊരീ ചോദ്യം മായുന്നില്ല

ചരണം 3

കാലങ്ങൾ മാറിയാലും കനവുകൾ മായില്ല

കാണാത്ത തീരങ്ങൾ കണ്ണിൽ തെളിയുന്നില്ല

ഒരിക്കലും ചേരാത്തൊരു ബന്ധമിതായാലും

ഒടുങ്ങാത്ത സ്നേഹമായ് ഉള്ളിൽ നിറയുന്നു

ജീ ആർ കവിയൂർ

07 11 2026

( തിരുവല്ല, കവിയൂർ)

ആത്മാവിഷ്കാരങ്ങള്‍