കൈവിട്ടുപോയ മുത്ത്

കൈവിട്ടുപോയ മുത്ത്

പല്ലവി

കൈവന്ന മുത്തും കൈവിട്ട് വഴുതി പോയല്ലോ,

മുറിവേറ്റ പാദത്തിലെ നോവെല്ലാം മാഞ്ഞെന്നോ?

ഹൃദയത്തിൽ നീ തന്ന മുറിവുകൾ മറന്നിടാൻ,

വിധിയെന്ന പേരിൽ ഞാനിന്നും സഹിച്ചുപോയല്ലോ.

ചരണം 1

എത്രയോ വേദനകൾ ഉള്ളിലൊതുക്കി നടന്നു,

എരിയുന്ന നെഞ്ചുമായി നിശ്ശബ്ദമായി കഴിഞ്ഞു,

സ്നേഹമെന്നൊരു വാക്കിൽ സ്വപ്നങ്ങൾ നെയ്തെടുത്തു,

അറിയാതെ ആ മോഹം ജീവിതത്തെ വിഴുങ്ങി.

ചരണം 2

നിനക്കായി കാത്തിരുന്ന നാളുകൾ മാഞ്ഞുപോയി,

നിറമുള്ള സ്വപ്നങ്ങൾ കണ്ണീരിൽ അലിഞ്ഞുപോയി,

അരികിലുണ്ടെന്നോർത്ത നിമിഷങ്ങൾ അകന്നുപോയി,

ഒടുവിൽ ഓർമ്മകൾ മാത്രം തങ്ങിനിന്നു.

ചരണം 3

പുഞ്ചിരിയിൽ മറച്ചുവെച്ച സങ്കടങ്ങൾ ഏറെയുണ്ട്,

പറയാതെ പോയ വാക്കുകൾ നെഞ്ചിനുള്ളിൽ ബാക്കിയുണ്ട്,

പിരിയുമ്പോൾ നീ തന്ന മൗനത്തിന്റെ ഭാരമുണ്ട്,

പഴയൊരു പ്രണയത്തിന് ഇന്നുമൊരു നോവുണ്ട്.

ചരണം 4

ഇനിയൊരു ജന്മത്തിലും ഈ മോഹം വേണ്ടല്ലോ,

ഇടറുന്ന മനസ്സുമായി വീണ്ടും ജീവിക്കേണ്ടല്ലോ,

നഷ്ടങ്ങൾ പഠിപ്പിച്ച പാഠങ്ങൾ മറക്കില്ലല്ലോ,

നിശ്ശബ്ദമായെങ്കിലും ഞാൻ മുന്നോട്ട് പോകട്ടെ.

ജീ ആർ കവിയൂർ 

05 11 2026

( തിരുവല്ല, കവിയൂർ)