ചില ബന്ധങ്ങൾ (ലളിതഗാനം)

ചില ബന്ധങ്ങൾ (ലളിതഗാനം)
[ആവർത്തന പല്ലവി]
മായാത്ത ബന്ധമായ് നീയെൻ ഉള്ളിൽ
മറയാത്ത ഓർമ്മയായ് നീയെൻ അരികിൽ

[ചരണം 1]
പിരിയുവാൻ നീയൊരു വഴിയേ തിരഞ്ഞു
പിടയുന്ന ഹൃദയമിതെന്തേ മറന്നു
പറയാത്ത വാക്കുകൾ ഉള്ളിൽ നിറഞ്ഞു
പഴയൊരു സ്വപ്നം കണ്ണിൽ തെളിഞ്ഞു

[പല്ലവി ആവർത്തിക്കുക]

മായാത്ത ബന്ധമായ് നീയെൻ ഉള്ളിൽ
മറയാത്ത ഓർമ്മയായ് നീയെൻ അരികിൽ

[ചരണം 2]
അകലുവാൻ നിനക്കൊരു മോഹം ജനിച്ചു
അറിയാതെ ഞാനൊരു നിഴലായ് നിന്നു
അണയാത്ത ദീപമായ് ഓർമ്മ ഉണർന്നു
അവസാന നാളിലും കാത്തിരിപ്പായി

[പല്ലവി ആവർത്തിക്കുക]

മായാത്ത ബന്ധമായ് നീയെൻ ഉള്ളിൽ
മറയാത്ത ഓർമ്മയായ് നീയെൻ അരികിൽ

[ചരണം 3]
മറക്കുവാൻ നോക്കിയ നേരം തെളിഞ്ഞു
മനസ്സിലെ മുറിവുകൾ വീണ്ടും പുലർന്നു
മഴമേഘം പോലെയീ മൗനം പെയ്തു
മധുരിച്ച നാളുകൾ കണ്ണിൽ നിറഞ്ഞു

[പല്ലവി ആവർത്തിക്കുക]
മായാത്ത ബന്ധമായ് നീയെൻ ഉള്ളിൽ
മറയാത്ത ഓർമ്മയായ് നീയെൻ അരികിൽ

[ചരണം 4]
വഴിമാറിപ്പോയാലും കാലം കടന്നു
വിടപറഞ്ഞാലും സ്നേഹം മായാതെ നിന്നു
വിധി പിരിച്ചാലും ബന്ധം മുറിയാതെയിരുന്നു
വിരഹത്തിൻ തീരത്ത് തനിച്ചായി നിന്നു

[അവസാന ആവർത്തന പല്ലവി]

മായാത്ത ബന്ധമായ് നീയെൻ ഉള്ളിൽ
മറയാത്ത ഓർമ്മയായ് നീയെൻ അരികിൽ


ജീ ആർ കവിയൂർ 
19 11 2026
(തിരുവല്ല, കവിയൂർ)

Comments

Popular posts from this blog

വാവേ വാവാച്ചി

മഞ്ഞിൻ ചുംബനം( ഗാനം)

കഴിഞ്ഞുപോയ കാലം