ഒരു കള്ളവാർത്ത പരക്കട്ടെ

ഒരു കള്ളവാർത്ത പരക്കട്ടെ

പല്ലവി

മരിച്ചവർക്കായി പ്രാർത്ഥന ചൊല്ലുന്നു,

മണ്ണോടു ചേർന്നവർക്കായി കണ്ണീർ പൊഴിക്കുന്നു,

മൃതിയടഞ്ഞൊരു വാർത്ത പരക്കട്ടെ,

എന്നെയോർത്തൊന്നു ലോകം ഉണരട്ടെ...

ചരണം 1

ജീവനോടിരിക്കുമ്പോൾ ആരുമില്ല അരികിൽ,

വേദന പങ്കിടാനാരുമില്ല വഴിയിൽ,

മൗനത്തിൻ തീരത്ത് തനിച്ചായ് നിൽക്കുമ്പോൾ,

മറവിയുടെ ലോകത്ത് ഒറ്റയായ് അലയുമ്പോൾ...

ചരണം 2

കാത്തുവെച്ച മോഹങ്ങൾ മഞ്ഞായ് അലിഞ്ഞു,

കാണാമെന്ന വാക്കുകൾ ദൂരത്ത് മറഞ്ഞു,

തിരിഞ്ഞു നോക്കാത്തവർ യാത്ര തുടർന്നപ്പോൾ,

തിരിച്ചുവരാത്ത കാലം മുറിവായ് നിറഞ്ഞു...

ചരണം 3

പുഞ്ചിരി ചുണ്ടിൽ ഞാൻ ഒളിപ്പിച്ചു വെച്ചു,

പൊള്ളുന്ന ഹൃദയം ആരോടും പറഞ്ഞില്ല,

കണ്ണുനീർ തുള്ളികൾ തലയണ നനച്ചപ്പോൾ,

കരുണയുടെ കൈകൾ അരികിലെത്തിയില്ല...

ചരണം 4

പുലരിയുടെ വെളിച്ചം വീണ്ടും തെളിയട്ടെ,

പുതിയൊരു പ്രതീക്ഷ മനസ്സിൽ വിരിയട്ടെ,

മരിച്ചെന്നു കേട്ടവർ ജീവനോടെ കാണട്ടെ,

മറന്ന സ്നേഹബന്ധം വീണ്ടും ഉണരട്ടെ...

ജീ ആർ കവിയൂർ 

06 11 2026

( തിരുവല്ല, കവിയൂർ)