കൈവിട്ട അനുരാഗ ചിന്ത

[Pallavi]

സ്വയം മറന്ന് സ്വയം തേടണം,

പ്രണയ ഭ്രാന്തിൽ അലിഞ്ഞു ചേരണം,

ആരെയോ ഹൃദയത്തിൽ സ്നേഹിച്ചുപോയാൽ,

കണ്ണീർ പൊഴിയാതെ കരഞ്ഞു തീരണം.

[Charanam 1]

മൗനത്തിൻ ഭാഷ പഠിച്ചിടേണം,

മനസ്സിന്റെ നോവിൽ പിടഞ്ഞിടേണം,

കാണാതെ കാണുവാൻ കൊതിച്ചിടേണം,

കാണുന്ന നേരത്ത് മിഴി താഴ്ത്തിടേണം.

[Charanam 2]

നിലാവിനോടൊപ്പം കഥ പറഞ്ഞിടേണം,

നിനവുകൾ നെഞ്ചിൽ സൂക്ഷിച്ചിടേണം,

അകലെയാണെങ്കിലും അരികിലായെന്നോണം,

അറിയാതെ നിൻ നിഴൽ തേടിയിടേണം.

[Charanam 3]

ഉറക്കത്തിലും നിന്നെ സ്വപ്നം കാണണം,

ഉണരുമ്പോൾ നിന്നെ ഓർത്തു നിൽക്കണം,

പിരിയാൻ കഴിയാതെ പിടഞ്ഞിടുമ്പോൾ,

പുഞ്ചിരി ചുണ്ടിൽ മറച്ചുവെക്കണം.

[Charanam 4]

കാലങ്ങൾ മാറിയാലും കാത്തിരിക്കണം,

കാണാത്ത തീരത്ത് ദീപം തെളിക്കണം,

വിധിയുടെ വഴിയിൽ നീ അകന്നുപോയാലും,

വിണ്ണിലെ താരമായ് നിന്നെ കാണണം.

ജീ ആർ കവിയൂർ

12 11 2026

( തിരുവല്ല, കവിയൂർ)

ആത്മാവിഷ്കാരങ്ങള്‍