തിരുവങ്ങാട്ടപ്പാ മഹാദേവാ(ഭക്തിഗാനം)
തിരുവങ്ങാട്ടപ്പാ മഹാദേവാ
(ഭക്തിഗാനം)
[ആവർത്തന പല്ലവി]
പാറമേലേ വാഴും തിരുവങ്ങാട്ടപ്പാ
പാർവതീപതിയാം പരമേശ്വരാ
[ചരണം 1]
ശിലമേലുദിച്ചൊരു ശിവചൈതന്യമേ
ശിവശക്തി നിറയും തിരുസന്നിധിയേ
നീലകണ്ഠാ നിൻ തിരുനട തേടി
നിത്യവും തൊഴുന്നു ഭക്തജനങ്ങൾ.
[ആവർത്തന പല്ലവി]
പാറമേലേ വാഴും തിരുവങ്ങാട്ടപ്പാ
പാർവതീപതിയാം പരമേശ്വരാ
[ചരണം 2]
ഗണനായകൻ തുണയായ് മുന്നിലിരിക്കേ
ധർമ്മശാസ്താവും അനുഗ്രഹമേകേ
ഗംഗാദേവി കൃപാമൃതം ചൊരിയേ
നാഗദൈവങ്ങൾ കാവലരുളേ.
[ആവർത്തന പല്ലവി]
പാറമേലേ വാഴും തിരുവങ്ങാട്ടപ്പാ
പാർവതീപതിയാം പരമേശ്വരാ
[ചരണം 3]
ദക്ഷിണാമൂർത്തി ജ്ഞാനം പകരും
വേട്ടക്കൊരു മകൻ കാവലരുളും
ഉപദേവതകൾ വാഴും തിരുമുറ്റത്ത്
ഉദയസൂര്യനായ് നീ വിളങ്ങിടുന്നു.
[ആവർത്തന പല്ലവി]
പാറമേലേ വാഴും തിരുവങ്ങാട്ടപ്പാ
പാർവതീപതിയാം പരമേശ്വരാ
[ചരണം 4]
ജന്മാന്തരങ്ങൾ താണ്ടിയെത്തുമ്പോൾ
ജനനമരണങ്ങൾ മറന്നിടുമ്പോൾ
ശംഭോ മഹാദേവാ ശരണം വിളിക്കാം
ശാശ്വതശാന്തി നീയേകിടേണം.
[ആവർത്തന പല്ലവി]
പാറമേലേ വാഴും തിരുവങ്ങാട്ടപ്പാ
പാർവതീപതിയാം പരമേശ്വരാ
ജീ ആർ കവിയൂർ
20 11 2026
(തിരുവല്ല, കവിയൂർ)
Comments