പുസ്തകത്തിന്റെ മണം(കവിത)

പുസ്തകത്തിന്റെ മണം

(കവിത)

മാലോകരുടെ മസ്തകത്തിൽ ഉള്ളത്  

പുസ്തകത്തിലാകുന്നു — അറിഞ്ഞോ അറിയാതെയോ;  

അതിൻ ഗന്ധം സന്ധ്യയുടെ ശാന്തതയിൽ  

അകത്തൊരു ഊർജം പകരുന്നു.  

കാലത്തിന്റെ ചാരുത താളുകളിൽ പതിഞ്ഞു,  

വാക്കുകൾ ശ്വാസമായി മാറുമ്പോൾ;  

മഷിയുടെ നിശ്ശബ്ദ ചിറകുകളിൽ  

ചിന്തകൾ ദൂരം പറക്കുന്നു.  

ഒരു മടക്കിൽ ചരിത്രം ഉറങ്ങുന്നു,  

മറ്റൊരിടത്ത് സ്വപ്നങ്ങൾ ഉണരുന്നു;  

കൈകളിലൂടെ ഒഴുകുന്ന അർത്ഥങ്ങൾ  

ഹൃദയത്തിൽ വഴികാട്ടുന്നു.  

മൗനം തളം കെട്ടി നിൽക്കുന്ന നിമിഷം,  

വെളിച്ചത്തിനുള്ളിൽ നിഴലുണ്ട്;  

വായനയുടെ ഓരോ നിമിഷവും  

സ്വയം കണ്ടെത്തുന്ന യാത്രയാണ്.  

വിയർപ്പിന്റെ, ചുരുട്ടിന്റെ, കാപ്പിയുടെ,  

വിദ്വേഷത്തിന്റെ, യുദ്ധത്തിന്റെ,  

സമാധാനത്തിന്റെ, സ്നേഹത്തിന്റെ,  

സഹനത്തിന്റെ, ത്യാഗത്തിന്റെ — എല്ലാം മണം.  

അറിവിന്റെ രീതികൾ മാറിയിരിക്കുന്നു,  

കണ്ണും മനവും തുറന്നിരിക്കുമ്പോഴും;  

പേരു വിരൽ മാത്രം പണിയെടുക്കുന്നു,  

താളുകൾ മറിക്കപ്പെടാതെ തപസ്സിലാഴ്ന്നു.  

ഇന്നത്തെ ലോകം അന്തർദൃശ്യ ജാലകങ്ങളിലേക്ക് പായുന്നു,  

അഭിരുചികൾ നിശ്ശബ്ദമായി മാറുന്നു;  

അറിയാതെ പോകുന്നു —  

പുസ്തകങ്ങളെ…  

കേവലം ചിന്തനീയം.  

ഇന്നത്തെ ലോകം അന്തർദൃശ്യ ജാലകങ്ങളിലേക്ക് പായുന്നു,  

അഭിരുചികൾ നിശ്ശബ്ദമായി മാറുന്നു;  

അറിയാതെ പോകുന്നു —  

പുസ്തകങ്ങളെ…  

കേവലം ചിന്തനീയം.

ജീ ആർ കവിയൂർ 

28 01 2026

( കാനഡ, ടൊറൻ്റോ)

(ഇന്നലെ പോയ മാളിൽ ഉള്ള പുസ്തക കടയിലെ കാഴ്ച ആണ് കവിത എഴുതാൻ

ഉള്ള സാഹചര്യം)