കുയിലിൻ്റെ മധുര നോവ് ( വിരഹ ഗാനം)

കുയിലിൻ്റെ മധുര നോവ് ( വിരഹ ഗാനം)

കുയിലൊന്നു കൂകി  

കൂകിയതിന് മറുപടി  

കാത്ത് കാത്ത് അക്ഷമനായി  

കേൾക്കാഞ്ഞു അസ്വസ്ഥനായല്ലോ  

കുയിലൊന്നു കൂകി മറുപടി തേടി  

കാത്തിരിപ്പിൽ ഹൃദയം തളർന്നു  

കരളിലെ മോഹം അണയാതെ കത്തി  

കദനത്തിന്റെ നോവ് ഏറി വന്നു  

കര കാണാ കടലല പോലെ തേങ്ങി  

കവിളിണ നനഞ്ഞു ഒഴുകി  

കുയിലൊന്നു കൂകി മറുപടി തേടി  

കാത്തിരിപ്പിൽ ഹൃദയം തളർന്നു  

കണ്മുനയിൽ നിഴലായി നീളുന്നു ചിന്ത  

കറുത്ത രാത്രികൾ നെഞ്ചിൽ കുടിയേറി  

കവിളുകൾ തൊടുന്ന ഏകാന്ത കാറ്റ്  

കവിഞ്ഞ മൗനം എന്നെ വിഴുങ്ങുന്നു  

കുയിലൊന്നു കൂകി മറുപടി തേടി  

കാത്തിരിപ്പിൽ ഹൃദയം തളർന്നു  

കണ്ണീരിന് ഭാഷയില്ലാത്ത നേരം  

കൂടുതൽ ഭാരം ഹൃദയം സഹിക്കുന്നു  

കഴിഞ്ഞകാലം മുറിവായി മടങ്ങി  

കുലുങ്ങി നിൽക്കും ആത്മാവിന്റെ ധൈര്യം  

കുയിലൊന്നു കൂകി മറുപടി തേടി  

കാത്തിരിപ്പിൽ ഹൃദയം തളർന്നു  

കാത്തിരിപ്പിന്റെ തീരാതെ തീരാ വഴി  

കൈതൊടാൻ കഴിയാത്ത സ്നേഹമായി നീ  

കവിതയാകാതെ പാടാനാവാതെ  

കൂടെ എന്നും എനിക്കുള്ളിൽ നീ  

കുയിലൊന്നു കൂകി മറുപടി തേടി  

കാത്തിരിപ്പിൽ ഹൃദയം തളർന്നു

ജീ ആർ കവിയൂർ 

24 01 2026

( കാനഡ , ടൊറൻ്റോ)