ജിവിതം എന്ന മൂന്നക്ഷരം

ജിവിതം എന്ന മൂന്നക്ഷരം

ഏത് പേരും വേണമെങ്കിൽ വിളിച്ചോളൂ എന്നെ,  

ജീവിതമാണ് — നിൻ്റെ ഇഷ്ടപേര് വിളിച്ചോളൂ.

ജീവിച്ചു തീർക്കുക എന്നെ, ഇനി എന്ത് വന്നാലും,  

ഒരു കുന്ന് ഉണ്ടെങ്കിൽ, ഒപ്പം ഒരു കുഴിയും ഉണ്ടാകും.

സുഖദുഃഖങ്ങളിൽ പങ്കു കൊള്ളുന്ന അർത്ഥപാതിയും,  

മുഴുവനായ മക്കളും —  

കൂടുമ്പോൾ ഇമ്പമാകുന്ന,  

ധന്യമാക്കുന്ന നിത്യസത്യം തന്നെയാണ് കുടുംബം.

പിന്നെ,  

ഹൃദയത്തിൽ സുഖമുണ്ടോ എന്ന് ചോദിക്കുന്ന സുഹൃത്തും ഉണ്ടെങ്കിൽ,  

അപൂർണ്ണതയെ പൂർണ്ണമാക്കും.

പണം വരും, പോകും —  

വേദന വന്നാൽ സന്തോഷവും വീണ്ടും വരും.

മൂന്ന് അക്ഷരങ്ങൾ മാത്രം ഉള്ളു എനിക്കും,  

എൻ്റെ കൂടെ നിഴലായി നടക്കുന്നവയ്ക്കും —  

ജീവിതത്തിനും, മണി മുഴക്കുന്ന മരണത്തിനും.

ഭയം വേണ്ട — മുന്നേറുക,  

കയവും വ്യയവും വന്നാലും.  

ഉള്ളിൽ ഉള്ളതിനെ തിരിച്ചറിഞ്ഞ് മുന്നോട്ട് പോവുക.

ജീ ആർ കവിയൂർ 

29 01 2026

(കാനഡ, ടൊറൻ്റോ)