കൂടെയൊന്നു പോരുമോ ( ലളിതഗാനം)

കൂടെയൊന്നു പോരുമോ 

( ലളിതഗാനം)

വയലിറമ്പുകളിൽ           

കുളിർപെയ്യുംശിശിരക്കാറ്റിലാടുംചില്ലമേലിരുന്ന്, കൊക്കുരുമ്മി,

മോഹപൂമണത്തിൻചാരുതയി-

ലൊരുപാട്ടു മൂളുവാൻ കൂടെയൊന്നു പോരുമോ? 

ഋതുക്കൾ മാറി, മാറി,വന്നുപോകിലും 

ഓർമ്മകളുടെ 

വാസന്തതാഴ്വാരങ്ങളിൽ ചന്ദനചർച്ചിത, രാഗപരാഗണലഹരിപൂക്കുംവേളകളിൽ, കൂടെയൊന്നു പോരുമോ?

തിരവന്ന് തീരത്തെ മുത്തമിട്ടകലും-

ജന്യമാംരാഗലയ ഭാവമോടെ, 

മെല്ലെയിമ്പമായ് ശ്രുതിചേർത്തുപാടുവാൻ  

മടിയാതെ കൂടെയൊന്നു പോരുമോ 

നാളെയെന്നതാരറിവൂ ഇന്നിൻ 

നെടുവീർപ്പുകൾ  നാദമാകുമ്പോൾ

മനസ്സിൽ ചേർന്നൊരീണം ഹൃദയതാളത്തിലലിയാൻ 

കൂടെയൊന്നു പോരുമോ?

ജീ ആർ കവിയൂർ

22 05 2025