അക്ഷയതൃതീയ

അക്ഷയതൃതീയ

അക്ഷയതൃതീയ – സ്വർണ്ണം വാങ്ങുവാനായുള്ള ദിനമല്ലത്

ക്ഷയമില്ലാത്ത പുണ്യദിനമതെ,

നന്മകൾ വിതറുന്ന ശുഭവേള.

അറിയുക പുതുതലമുറയേ – അതിജീവനത്തിന്റേ ദിനമതല്ലോ!

പരശുരാമൻ അവതരിച്ചൊരു

പുണ്യദിനവും, ബലരാമൻ ജനിച്ചൊരു

ശുഭവേളയും, മഹാവിഷ്ണുവിൻ

നന്മയാൽ ഭൂമിയിൽ പുണ്യമണിയിച്ച തീയ്യതി!

സൂര്യദേവനാൽ ദ്രൗപതിക്ക്

ലഭിച്ചൊരു അക്ഷയ പാത്രം –

വിശുദ്ധമായ ദിവ്യവസ്തുവായതു,

അവസാന ഭക്ഷണത്തിന് ശേഷം പോലും

ശൂന്യമാകാതെ അക്ഷയം താനായി!

ദുർവാസയും കൂട്ടരും വന്നേറി

വിശപ്പോടെ കുളിച്ചെത്തിയപ്പോൾ –

ഭക്ഷണം ഇല്ലാതെയെന്ന ഭീതിയോടെ,

ദ്രൗപതി മനസ്സിൽ പേടിച്ചു പാടെ...

ആശങ്കകളാൽ നിറഞ്ഞ വാക്കുകൾകൊണ്ട്

വിളിച്ചവളെ – കൃഷ്ണാ കൃഷ്ണാ...

അക്ഷയപാത്രത്തിൽ ശ്രീകൃഷ്ണൻ

കണ്ടെത്തിയ ഒരു ചീര ഇലയും

അരിമണിയും പുണ്യമാത്രം –

നാവിൽ വെച്ചപ്പോൾ അത്ഭുതം സംഭവിച്ചു!

വിശപ്പൊക്കെയും ശമിച്ചുപോയി,

പാത്രം വീണ്ടും നിറഞ്ഞതായീ,

അന്നദാനത്തിനായ് അക്ഷയമായി

ദിനങ്ങളിലേക്കൊരു ദിവ്യ ഓർമ്മയായീ.

അക്ഷയതൃതീയ – പുണ്യദിനമിതാണ്,

സ്നേഹത്തിനും ധർമ്മത്തിനും

അനന്തത്വം പകരുന്ന ഒരു

ദിവ്യസ്മരണയുടെ തീർത്ഥമല്ലോ!

ജീ ആർ കവിയൂർ

05 05 2025