പറയാതെ പോയ വാക്കുകൾ

പറയാതെ പോയ വാക്കുകൾ

[ആലാപ് – 15 സെക്കൻഡ്]

ആാാ... ആാാ...

ഹൂം... ഹൂം...

മൗനമേ... എൻ മൗനമേ...

[പല്ലവി]

പറയാതെ പോയ വാക്കുകൾ

പറയാൻ കഴിയാതിരുന്നതോ...

പിരിയുവാൻ നേരം വന്നപ്പോൾ

മൗനമായ് തീർന്നതോ...

മനസ്സിൽ സൂക്ഷിച്ച മോഹങ്ങൾ

മഞ്ഞുപോൽ അലിഞ്ഞുപോയോ...

മറവിയുടെ തീരത്തണഞ്ഞിട്ടും

ഓർമ്മകൾ തേടിവന്നുവോ...

[ചരണം – 1]

കാലം വരച്ച ചിത്രങ്ങളൊക്കെയും

കണ്ണീരിൽ അലിഞ്ഞുപോയി

കൈവിട്ടുപോയൊരു വസന്തകാലം

കിനാവിൽ വീണ്ടും തെളിഞ്ഞു

അറിയാതെ വന്നൊരു സ്നേഹബന്ധം

അകലെ എങ്ങോ മറഞ്ഞുപോയി

അരികിലുണ്ടായിരുന്ന നാളുകളെല്ലാം

അന്യമായ് മാറിയതെന്തേ...

[ചരണം – 2]

പുഞ്ചിരി തൂകിയ മുഖങ്ങൾക്കുള്ളിൽ

പുകഞ്ഞു നിന്നൊരു ദുഃഖമുണ്ടോ

പങ്കുവെച്ചിരുന്ന സന്തോഷമെല്ലാം

പാതിവഴിയിൽ മുറിഞ്ഞുപോയോ

നിലാവു വീഴുന്ന വഴിയോരങ്ങളിൽ

നിഴലുകൾ മാത്രം കൂട്ടായി

നിറമുള്ളൊരു ജീവിതമെന്ന മോഹം

നിശ്ശബ്ദമായ് അകന്നുപോയി...

[ചരണം – 3]

ഇരുളണിഞ്ഞൊരു രാവു കഴിഞ്ഞാൽ

പുതുപുലരിയും വന്നിടുമേ

തകർന്നുപോയൊരു സ്വപ്നത്തിനുള്ളിൽ

പുതിയൊരു വെളിച്ചം തെളിഞ്ഞിടുമേ

വിധി നൽകിയ മുറിവുകളെല്ലാം

വിളക്കിൻ നാളമായ് മാറിടുമേ

വിടപറഞ്ഞൊരു കാലത്തിനപ്പുറം

പുതുവഴികൾ തെളിഞ്ഞിടുമേ...

ജീ ആർ കവിയൂർ 

02 11 2026

(തിരുവല്ല കവിയൂർ)