കാലം പഠിപ്പിച്ച പാഠങ്ങൾ

കാലം പലതും പഠിപ്പിച്ചു,

നേരത്തേ മാത്രം പഠിപ്പിച്ചില്ല;

നേരത്തേ അതു തിരിച്ചറിഞ്ഞെങ്കിൽ,

ഈ നാളുകൾ വന്നണയില്ല.

ബന്ധങ്ങൾ പലതും ചേർത്തുവെച്ചു,

മനസ്സിൽ മുറിവുകൾ തീർത്തുവെച്ചു;

ചിരിയിൽ മറച്ചൊരു നോവുമായ്,

നാളുകൾ പലതും കടന്നുപോയി.

ഇന്നെനിക്കേറെ പ്രിയം മൗനം,

ഇടറാത്ത മനസ്സിൻ സാന്ത്വനം;

വാക്കുകൾ നൽകിയ മുറിവുകളേക്കാൾ,

മൗനം പകരുന്ന സുഖം വലുത്.

ആരെയും ഇനി കുറ്റപ്പെടുത്തില്ല,

ആരോടും പരിഭവം പറയില്ല;

അറിഞ്ഞ പാഠങ്ങൾ നെഞ്ചിലേറ്റി,

സ്വന്തം വഴിയേ ഞാൻ നടന്നിടും.

രചന: ജീ ആർ കവിയൂർ

02 11 2026

(തിരുവല്ല, കവിയൂർ)

ആത്മാവിഷ്കാരങ്ങള്‍